استانا جانە سەمەي قالالارىنا بارۋ ساپارىن قامتيتىن بۇل كەزدەسۋدە ساياسي بايلانىستاردى نىعايتۋ ماسەلەلەرى قاراستىرىلىپ, ءبىزدىڭ ەلىمىزدىڭ باسشىلارىمەن وزەكتى ىنتىماقتاستىق ماسەلەلەرى تالقىلانادى. سونداي-اق, ەلىمىزدىڭ ەقىۇ-عا توراعالىعى بارىسىنداعى حالىقارالىق پروبلەمالار قامتىلماق. ساپار شەڭبەرىندە باس حاتشى بۇرىنعى سەمەي يادرولىق پوليگونىندا بولىپ, ۇلتتىق يادرولىق ورتالىقپەن, رادياتسيالىق قاۋىپسىزدىك جانە ەكولوگيا ينستيتۋتى جۇمىسىمەن تانىسادى.
ءى.وماروۆ, سونداي-اق بۇۇ-مەن ىنتىماقتاستىق قازاقستاننىڭ سىرتقى ساياساتىنىڭ نەگىزگى باعىتتارىنا جاتاتىندىعىن اتاي كەلىپ, قازاقستان 1992 جىلى بۇل ۇيىمعا كىرگەن ۋاقىتتان بەرى ءوزىن بۇۇ-نىڭ تولىققاندى مۇشەسى رەتىندە عانا ەمەس, سونىمەن قاتار, باستى حالىقارالىق ۇيىمنىڭ ىشىنەن بەدەلدى ورىن الا بىلگەنىن اتاپ كورسەتتى. 7 ساۋىردە ەلباسىنىڭ شاقىرۋىمەن ۋكراينانىڭ جاڭادان سايلانعان پرەزيدەنتى ۆيكتور يانۋكوۆيچتىڭ قازاقستان رەسپۋبليكاسىنا العاشقى رەسمي ساپارى وتەدى, دەپ جالعادى بريفينگتەگى ءسوزىن ءباسپاسوز حاتشىسى.
ساپار بارىسىندا ەكى مەملەكەت باسشىلارىنىڭ شاعىن جانە كەڭەيتىلگەن قۇرامداردا كەلىسسوزدەرى بولادى. سونىمەن قاتار, ساپاردىڭ شەڭبەرىندە ساۋدا-ەكونوميكالىق, وتىن-ەنەرگەتيكالىق سالالارداعى, ماشينە جاساۋ ونەركاسىبى مەن اگروونەركاسىپتىك كەشەندەگى, كوسموس سالاسىنداعى جانە گۋمانيتارلىق ىنتىماقتاستىق بويىنشا بىرقاتار ماسەلەلەر تالقىلانادى. 8-9 ساۋىردە قازاقستان پرەمەر-ءمينيسترى ك.ءماسىموۆتىڭ شاقىرۋىمەن گرۋزيانىڭ پرەمەر-ءمينيسترى نيكولوز گيلاۋريدىڭ استاناعا جۇمىس ساپارى وتەدى. جوسپارلانعان كەلىسسوزدەر بارىسىندا ەكى ەلدىڭ ۇكىمەت باسشىلارى قازاقستان-گرۋزيا ىسكەر ىنتىماقتاستىعىنىڭ جاعدايى مەن پەرسپەكتيۆالارىن, سونداي-اق ەكونوميكالىق داعدارىستىڭ سالدارىن بىرلەسىپ جەڭۋ ءۇشىن قاجەت شارالاردى تالقىعا سالادى, دەدى ءى.وماروۆ.
ونىڭ ايتۋىنشا, ساپاردىڭ قارساڭىندا, 7 ساۋىردە استانا قالاسىندا قازاقستان-گرۋزيا ساۋدا-ەكونوميكالىق ىنتىماقتاستىعى جونىندەگى ۇكىمەتارالىق كوميسسياسىنىڭ كەزەكتى وتىرىسى وتەدى دەپ جوسپارلاعان. 4-9 ءساۋىر ارالىعىندا قازاقستان-بريتانيا ساۋدا-ونەركاسىپ كەڭەسىنىڭ توراعاسى د.ستاتتاردتىڭ قاسىندا ىلەسىپ جۇرەتىن بيزنەس-دەلەگاتسيا قازاقستان رەسپۋبليكاسىنا ساپارمەن كەلەدى, دەدى بريفينگ سوڭىندا ءباسپاسوز حاتشىسى. ساپار بارىسىندا الماتى مەن استانا قالالارىندا ماڭىزدى كەزدەسۋلەر جوسپارلانعان, ونىڭ ىشىندە قر ۇكىمەتىنىڭ جانە مينيسترلىكتەر مەن ۆەدومستۆولاردىڭ, سونداي-اق ۇلتتىق كومپانيالاردىڭ باسشىلىقتارىمەن جۇزدەسەدى دەپ كۇتىلۋدە.
