تۇرلەنگەن تالدىقورعان ءبۇگىندە رەسپۋبليكالىق دەڭگەيدەگى يگى شارالار وتكىزۋدە دە وزىندىك ورنىن ايشىقتاعان قالا. سونىڭ ناقتى دالەلى رەتىندە وتكەن اپتادا «مەمساراپتاما» رەسپۋبليكالىق مەملەكەتتىك كاسىپورنى وتكىزگەن «ءتىلگە قۇرمەت – ەلگە قۇرمەت» اتتى رەسپۋبليكالىق فەستيۆالدى ايتۋعا بولادى. قازاقستان حالقى تىلدەرىنىڭ كۇنى ءداستۇرلى شاراسى اياسىندا مەمساراپتاما ۇجىمى بيىل ءۇشىنشى رەت ۇيىمداستىرعان دوداعا 17 وبلىستان كەلگەن كوماندالار قاتىستى. بۇل فەستيۆالدىڭ ەرەكشەلىگى سول – يگى شارانى وتكىزەتىن وڭىرلىك كوماندالار ءبىر جىل بۇرىن جەرەبە ارقىلى انىقتالادى. سوسىن, جىل بويى كوماندالار جەڭىمپاز بولۋعا زور ىنتامەن دايىندالادى. قازاقستاندا تۇراتىن وزگە ۇلتتاردىڭ تىلدەرىن, بيلەرىن جانە اندەردى ۇيرەنەدى, ۇلتتىق كوستيۋمدەر تىگەدى. ءسويتىپ جۇمىستا ۇقىپتىلىققا داعدىلانعان مەملەكەتتىك ساراپشىلار مادەني ءىس-شارالارعا دايىندالۋدا دا تياناقتىلىقتارىن تانىتادى.
تۇرلەنگەن تالدىقورعان ءبۇگىندە رەسپۋبليكالىق دەڭگەيدەگى يگى شارالار وتكىزۋدە دە وزىندىك ورنىن ايشىقتاعان قالا. سونىڭ ناقتى دالەلى رەتىندە وتكەن اپتادا «مەمساراپتاما» رەسپۋبليكالىق مەملەكەتتىك كاسىپورنى وتكىزگەن «ءتىلگە قۇرمەت – ەلگە قۇرمەت» اتتى رەسپۋبليكالىق فەستيۆالدى ايتۋعا بولادى. قازاقستان حالقى تىلدەرىنىڭ كۇنى ءداستۇرلى شاراسى اياسىندا مەمساراپتاما ۇجىمى بيىل ءۇشىنشى رەت ۇيىمداستىرعان دوداعا 17 وبلىستان كەلگەن كوماندالار قاتىستى. بۇل فەستيۆالدىڭ ەرەكشەلىگى سول – يگى شارانى وتكىزەتىن وڭىرلىك كوماندالار ءبىر جىل بۇرىن جەرەبە ارقىلى انىقتالادى. سوسىن, جىل بويى كوماندالار جەڭىمپاز بولۋعا زور ىنتامەن دايىندالادى. قازاقستاندا تۇراتىن وزگە ۇلتتاردىڭ تىلدەرىن, بيلەرىن جانە اندەردى ۇيرەنەدى, ۇلتتىق كوستيۋمدەر تىگەدى. ءسويتىپ جۇمىستا ۇقىپتىلىققا داعدىلانعان مەملەكەتتىك ساراپشىلار مادەني ءىس-شارالارعا دايىندالۋدا دا تياناقتىلىقتارىن تانىتادى.
فەستيۆال باعدارلاماسى – كونكۋرستىق «مەنىڭ وتانىم – قازاقستان» اتتى ولەڭدى كوركەم تىلدە وقۋ, قازاقستان حالىقتارىنىڭ ولەڭدەرى مەن بيلەرىن ورىنداۋ, حالىقتار دوستىعى ءۆالسىن بيلەۋ بويىنشا ءۇش تۋردان تۇردى. مەملەكەتتىك ساياساتقا ساي ۇيىمداستىرىلعان فەستيۆالدى الماتى وبلىسى اكىمىنىڭ ءمىندەتىن اتقارۋشى اماندىق باتالوۆ اشىپ: «جەتىسۋ ولكەسى ءسوز ونەرىنىڭ ءسۇلەيلەرى ءسۇيىنباي مەن جامبىلدىڭ, ەسكەلدى مەن قابىليسانىڭ, ءىلياس پەن مۇقاعاليدىڭ تۋعان مەكەنى. سوندىقتان ءتىلدىڭ قادىر-قاسيەتىن ايقىن ۇعىناتىن ءبىزدىڭ ولكەمىزدە مۇنداي ماڭىزدى شارانىڭ ءوتۋى اسا قۇپتارلىق جايت. بۇگىنگى كۇنى ەلىمىزدە ءۇش تۇعىرلى ءتىل ساياساتى جۇزەگە اسىرىلىپ كەلەدى. ياعني كەز كەلگەن ساۋاتتى ازاماتتىڭ قازاق, ورىس, اعىلشىن تىلدەرىن ءبىلۋى – ۋاقىت تالابى. دەگەنمەن, ەلباسىمىزدىڭ «قازاق ءتىلى ءۇش ءتىلدىڭ بىرەۋى بولىپ قالمايدى. ءۇش ءتىلدىڭ ءبىرىنشىسى, نەگىزگىسى, باستىسى, ماڭىزدىسى بولا بەرەدى», دەپ اتاپ كورسەتۋى مەملەكەتتىك ءتىلدىڭ قوعامداعى ورنىن ايقىنداپ بەردى. ءتىل – حالىقتىڭ جانى, انا تىلىنە قامقورلىق جاسالسا حالقىمىزدىڭ سالت-ءداستۇرى جاڭعىرىپ, تاريحىمىز دا تۇگەلدەنىپ, مادەنيەت پەن ونەرىمىز دە ورىستەيدى. سوندىقتان دا ءبىزدىڭ وبلىستا مەملەكەتتىك ءتىل ماسەلەسىنە ەرەكشە ءمان بەرىلەدى. رەسپۋبليكادا تۇڭعىش رەت ءتىل سارايى وبلىس ورتالىعى تالدىقورعان قالاسىندا بوي كوتەردى. وڭىردەگى اۋدان, قالالاردىڭ بارىندە ءتىل وقىتۋ ورتالىقتارى جۇمىس ىستەپ تۇر. بارلىعى دا سوڭعى ۇلگىدەگى قۇرالدارمەن جابدىقتالىپ, وندا قازىر مەملەكەتتىك قىزمەتشىلەر, بيۋدجەت سالاسىنىڭ قىزمەتكەرلەرى قازاق, ورىس, اعىلشىن تىلدەرىن مەڭگەرۋدە. مەملەكەتتىك ءتىلدىڭ قولدانىس اياسىن كەڭەيتۋ – بارشا قازاقستاندىقتىڭ, ونىڭ ىشىندە ءاربىر مەملەكەتتىك قىزمەتشىنىڭ باستى پارىزى. ەلىمىزدە تۇراتىن ەتنوستاردىڭ ءتىلىن ساقتاي وتىرىپ, مەملەكەتتىك ءتىلدى قوعامنىڭ بارلىق سالاسىندا دامىتۋعا ءبارىمىز دە اتسالىسۋىمىز كەرەك. بۇل رەتتە «مەمساراپتاما» رمك ۇيىمداستىرىپ وتىرعان «تىلگە قۇرمەت – ەلگە قۇرمەت» اتتى رەسپۋبليكالىق ءتىل فەستيۆالىنىڭ جۇمىسىن اتاپ وتكەن ءجون», دەدى اماندىق باتالوۆ.
فەستيۆالعا قاتىسۋشىلار ءماتىندى ۇزدىك مانەرلەپ وقۋشى; حالىق ءانىن ۇزدىك ورىنداۋشى; ۇزدىك كونتسەرتتىك كوستيۋم; ءبيدى ۇزدىك ورىنداۋ نوميناتسيالارى بويىنشا سىنعا ءتۇسىپ, جەڭىمپازدار «مەمساراپتاما» كاسىپورنى باسشىلىعىنان سىيلىقتار الىپ, تالدىقورعان قالالىق اكىمدىگىنىڭ گراموتالارىمەن, قازاقستان حالقى اسسامبلەياسىنىڭ جانە تىلدەر كوميتەتىنىڭ ماقتاۋ قاعازدارىمەن ماراپاتتالدى. بيىلعى جىلى جەڭىمپاز بولعان اتىراۋ وبلىستىق كومانداسى كەلەسى جىلى «تىلگە قۇرمەت – ەلگە قۇرمەت» اتتى فەستيۆال وتكىزۋ ەستافەتاسىن ق
