پورتۋگاليادا 200 مىڭ وقۋشىنىڭ كومپيۋتەر نەمەسە ينتەرنەتكە كىرۋ مۇمكىندىگى جوق. ءبىلىم بەرۋ ۆەدومستۆولارىنىڭ قىزمەتكەرلەرى, سونداي-اق پوشتا قىزمەتكەرلەرى مەكتەپتەردە وقۋ ماتەريالدارىن قاعازعا جيناپ, ونى وقۋشىلارعا اپارادى, سودان كەيىن ورىندالعان تاپسىرمالاردى جيناپ, وقىتۋشىلارعا بەرەدى. كەلەسى اپتادان باستاپ ساباقتار تەلەديدار ارقىلى كورسەتىلەتىن بولادى.
«تەلەديدار ساباعىن قارايتىن بالالار باسقا مۇعالىمدەردى كورىپ, جاڭا كوزقاراس الادى جانە بۇل جاقسى ناتيجەگە اكەلۋى مۇمكىن», — دەپ سەندىردى وقىتۋشى.
پورتۋگاليانىڭ بيلىگى كوروناۆيرۋستى ينفەكتسيانىڭ پاندەمياسى سالدارىنان وقۋشىلاردىڭ كوپشىلىگى كەلەسى وقۋ جىلىندا عانا مەكتەپكە ورالادى دەپ شەشىم قابىلداپ وتىر. ەگەر ىندەتتىڭ بەتى قايتا باستاسا, وندا جوعارى سىنىپ وقۋشىلارى مامىر ايىنىڭ سوڭىندا ساباق باستايتىن بولادى.
