ەكونوميكا • 09 مامىر، 2020

ساندىك تاۋارلاردىڭ الەمدىك ساتىلىمى 50-60% تومەندەۋى مۇمكىن

28 رەت كورسەتىلدى

ساراپشىلار پاندەميانىڭ قارماعىنا العاشقى بولىپ ىلىنگەن سالا  ء«سان-سالتانات» نارىعى ەكەنىن ايتىپ جاتىر. وسىعان دەيىن فرانتسياداعى ءيىس سۋ-پارفيۋمەريا نارىعى دەزينفەكتسيا – سپرەي شىعارۋعا باعىتتالىپ، جان ساقتاپ قالعانىن ايتقان بولاتىن. ال كيىم-كەشەك، زەرگەرلىك بۇيىمدار شىعاراتىن يندۋستريا قازىر جاعدايدىڭ قاي باعىتقا ويىسارىن بىلمەي، ىشتەن تۇنىپ تۇر. 

نارىقتىڭ تىنىسى مەن ادامداردىڭ تالعامىن ۇيلەستىرىپ وتىراتىن ءسان ديزاينەرلەرى دە قاي باعىتقا باسىمدىق بەرەرىن بىلمەي، قايراڭدا قالعان كەمەنىڭ كۇيىن كەشىپ جاتىر. 

«Bain & Company كونسالتينگتىك كومپانياسىنىڭ ەسەبىندە كوروناۆيرۋستىق پاندەميا سۇرانىستى تومەندەتەتىندىكتەن، «جەكە ءسان-سالتاناتتىڭ»، سونىڭ ىشىندە كيىم-كەشەك، زەرگەرلىك بۇيىمدار، ساعاتتار مەن اكسەسسۋارلاردىڭ عالامدىق ساتىلىمدارى شامامەن 50-60 پايىزعا تومەندەۋى مۇمكىن»، دەپ جازادى vesti.ru.

COVID-19 تارالۋىن توقتاتۋ ءۇشىن ەلدەرگە قاتاڭ شەكتەۋلەر قويىلدى، كوپتەگەن دۇكەندەر جابىلدى. وسى شارالاردىڭ كەيبىرى قازىر جۇمسارتىلعانىمەن، بيىل ساندىك تاۋارلار ساتىلىمى 20-35% -عا، 180-220 ملرد ەۋروعا تۇسەدى دەپ كۇتىلۋدە.

Bain & Company يتالياندىق «التاگامما» ساندىك تاۋارلار اسسوتسياتسياسىمەن بىرلەسىپ دايىنداعان باياندامادا ۆيرۋستىڭ ەكىنشى تولقىنى نەمەسە ۆاكتسينانى جاساۋ جانە ەنگىزۋ مۇمكىندىگى دە ايتىلىپ ءوتتى.

كەلەسى برەند تاۋارلار شىعاراتىن  «Uber» كومپانياسى  ءبىرىنشى توقساندا 2،9 ميلليارد دوللار شىعىنعا ۇشىرادى.  كومپانيا قىزمەتكەرلەرىنىڭ 14%-ىن جۇمىستان بوساتۋدى شەشتى - بۇل شامامەن 3700 ادام.

2019 جىلى «جەكە ليۋكس» نارىعىنداعى ساتىلىم 281 ميلليارد ەۋروعا باعالانادى.  ال قازىر ونىڭ دەڭگەيى 150 ملرد ەۋروپاعا دەيىن تومەندەپ كەتتى.  ساراپشىلار 2022 جانە 2023 جىلدار ارالىعىندا جوعارىدا كورسەتىلگەن  دەڭگەيگە جەتۋى مۇمكىن ەكەنىن ايتىپ وتىر.  

قىتايلىق تۇتىنۋشىلار نارىقتى قالپىنا كەلتىرۋدە باستى ءرول اتقاراتىنىن ساراپشىلار ايتىپ جاتىر. 2025 جىلعا قاراي «جەكە ءسان-سالتانات» نارىعى 320-330 ميلليارد ەۋروعا جەتەدى، بەس جىلدان كەيىن قىتاي عالامدىق ءسان-سالتانات شىعىندارىنىڭ جارتىسىن الادى دەگەن بولجام بار.

سوڭعى جاڭالىقتار

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

ۇقساس جاڭالىقتار