جەڭىستىڭ 75 جىلدىعىنا ورايلاستىرىلعان بۇل شارا وبلىس اكىمى ماحامبەت دوسمۇحامبەتوۆ پەن اتىراۋ قالاسىنىڭ اكىمى قايرات ورازباەۆ قاتىسۋىمەن ءوتتى.
اللەيانىڭ قۇرىلىسىن جۇرگىزۋگە وبلىس پەن قالا اكىمدىكتەرى باستاماشى بولىپتى. مۇندا ەكىنشى دۇنيەجۇزىلىك سوعىستا كەڭەس وداعىنىڭ باتىرى, حالىق قاھارمانى مەن «داڭق» وردەنىنىڭ تولىق يەگەرى اتانعان مايدانگەرلەرگە 14 بيۋست قويىلدى. بيۋست قولادان قۇيىلىپ, تۇعىرتاسى گرانيتتەن جاسالىپتى.
– «جەڭىس» ساياباعى ءار جىلدارى جەڭىس كۇنى قارساڭىندا جاڭارتىلىپ كەلەدى. بيىل ساياباقتىڭ اۋماعى كەڭەيتىلىپ, كۇردەلى جوندەۋ جۇمىستارى جاسالىپ جاتىر. ساياباقتىڭ جانىنا 1000-عا جۋىق الما تالى وتىرعىزىلدى. ەندى 3800 شارشى مەتر گازون توسەلۋدە, -دەدى اتىراۋ قالاسىنىڭ اكىمى قايرات ورازباەۆ.
ال «تاعزىم اللەياسى» جەرگىلىكتى كاسىپكەرلەردىڭ دەمەۋشىلىگىمەن اشىلىپ وتىر.
