جامبىل اۋىلدىق وكرۋگىندەگى №36 جالپى ورتا مەكتەبىنە جايعاستىرىلعان ەرىكتىلەردىڭ جۇمىس ىستەۋىنە قولايلى جاعداي جاسالعان. قازىرگى تاڭدا ۆولونتەرلار وبلىستىق توتەنشە جاعداي شتابى تاراپىنان ۇيىمداستىرىلعان بارلىق جۇمىستارعا اتسالىسۋدا.
«ەرىكتىلەر تاسقىن سۋدا قالعان اۋىل ازاماتتارىن ەۆاكۋاتسيالىق بەكەتتەرگە ورنالاستىرۋ, گۋمانيتارلىق كومەككە كەلگەن تاۋاردى تاسىمالداۋ, مۇقتاج ازاماتتارعا ۇلەستىرۋ سياقتى شارۋالاردى اتقارۋدا», دەيدى «جاستار رەسۋرستىق ورتالىعى» كمم ديرەكتورى امالبەك ءومىرتاي.
ۆولونتەرلىق جۇمىستارعا «Jas Otan» جاستار قاناتىنىڭ مۇشەلەرى دە بەلسەنە قاتىسۋدا. ولار ەۆاكۋاتسيالىق بەكەتتەردە كۇشتىك قۇرىلىمداردىڭ شارۋاسىنا دا كومەكتەسىپ ءجۇر. «Jas Otan» جاستار قاناتىنىڭ توراعاسى جانسەرىك جۇماننىڭ ايتۋىنشا, العاشقى كۇندەردە 12 شاقىرىم قورعانىس بوگەتتەرىن تۇرعىزۋعا اتسالىسقان جاستار مادەنيەت, قوعام قايراتكەرلەرىمەن بىرىگىپ, تۇرعىنداردى سابىرلىققا شاقىرۋ جۇمىستارىنا دا بەلسەنە ارالاسۋدا. بۇدان بولەك, شىمكەنت, نۇر-سۇلتان, الماتى قالالارىنىڭ جاستارى مەن ۆولونتەرلىق ۇيىمداردان, رەسپۋبليكالىق "Jas Otan" جاستار قاناتىنان گۋمانيتارلىق كومەكتەر كەلۋدە. بۇگىنگى تاڭدا ەرىكتىلەردىڭ كۇشىمەن 10 مىڭنان استام مەديتسينالىق بەتپەردە مەن انتيسەپتيكالىق قۇرالدار تاراتىلعان.
تۇركىستان وبلىسى
