كاسىپورىندار توقتاپ تۇر

وبلىس ورتالىعىندا 30-عا تارتا ءوندىرىس ورىندارى ءوز جۇ­مىس­تارىن توقتاتىپ, جۇمىسشى-قىزمەتكەرلەرىن ەڭبەكاقىسىز دەم­الىسقا جىبەرۋگە ءماجبۇر بول­دى. ولاردىڭ اراسىندا “قازنەف­تە­گاز”, “مۇنايماش”, “قۇرىلىس ماتە­ريال­دارى”, “بوگاتىرسكيە پرو­دۋك­تى” سەكىلدى ءىرى مەكەمەلەر ميل­ليونداعان تەڭگە زالال شەگىپ, كىم­نەن وندىرەرىن بىلمەي دال. “قۇرى­لىس ماتەريالدارى” زاۋى­تىن­دا  جۇ­مىستىڭ دوعارىلعانىنا  20 كۇن­گە جۋىقتاعان. سودان بەرى  ونىڭ ديرەكتورى يۋري كاششەەۆتىڭ  شاعىمدانباعان جەرى قالماعان. تاپسىرىستاردىڭ ورىندالماي قالۋ قاۋپىن جاسىرمايدى. كەلىسىم-شارت ساقتالماسا 20 پايىز ايىپ­پۇل تولەۋگە تۋرا كەلەدى. “مۇ­ناي­ماش” اق باس ينجەنەرى ۆيكتور سا­مويلوۆتىڭ  تۇڭىلگەنى سونشا­لىق, قولىن ءبىر سىلتەۋدەن باسقا امالى قالماعانعا ۇقسايدى. شتان­گالى  سورعىلار جاساۋعا تاپسىرىس بەرگەن قازاقستاندىق مۇنايشى­لار­مەن ەسەپتەسەتىن كۇن جاقىن. ولارعا نە دەپ تۇسىندىرەرسىڭ؟ كۇ­نىنە 20 سورعى جاساپ شىعاراتىن­بىز. ءبىر ايلىق شىعىننىڭ ورنىن كىم تولتىرادى, دەپ شىر-پىر بولادى ول. – بىزدە بىرقاتار جۇمىس ۇدە­رىس­­تەرى سۋمەن اتقارىلادى. ونسىز تىرلىگىمىز كەلىسپەيدى, ءىسىمىز ىلگەرى باسپايدى. سۋ تولەمى جونىنەن قا­رى­زىمىز جوق. ءتيىستى ورىندار قىسقا جان-جاقتى قامدانعاندا جو­عارىداعىداي جولسىزدىق ورىن الماس ەدى. ولاردىڭ بۇل تىرلىگىن ەشنا­ر­سە­مەن اقتاۋعا بولمايدى. ءتورت ءجۇز­دەن استام ادامدى ەرىكسىز دەم­الىسقا جىبەرۋگە تۋرا كەلدى, – دەيدى سۋدان تارىققان مەكەمەلەر­دىڭ وكىلدەرى. “پەتروپاۆل سۋ” كاسىپورنىنىڭ باسشىلارى سۋدىڭ بەرىلمەي قالۋىن قۇبىرلاردىڭ قاتىپ قالۋىمەن,  سونىڭ سالدارىنان قىسىمنىڭ تومەندەپ كەتۋىمەن ءتۇسىندىرىپ الەك. بار كىنانى وزگەگە, ەش سۇراۋى جوق تابيعاتتىڭ توسىن  “سىيىنا” اۋدارا  سالۋ – سىنىققا سىلتاۋ ايتىپ ۇيرەنگەن شەنەۋنىك­تەردىڭ ەجەلگى ءتاسىلى عوي, بۇلاي بۇرا سويلەۋ جاۋاپكەرشىلىكتەن جالتارۋدان باسقا ەشتەڭە ەمەس. وسىندايدا بۇدان  سۋىق كۇندەرى دە  سۋدىڭ جەتكىلىكتى كەلىپ تۇرعانى  ەرىكسىز ەسكە تۇسەدى. بىزدىڭشە, ءما­سەلە ارىدە جاتقان سىقىلدى. مە­كەمە  باسشىسى س.بەگالين بىلتىر  وسى قىزمەتكە  تاعايىندالعاندا سۋ قۇبىرلارى جۇيەلەرىنىڭ 80 پايىز­دان استامى­نىڭ ابدەن توزعانىن, اۋىستىرىل­ماعانىن مالىمدەگەن ەدى. ار جاعىن ءوزىڭىز-اق پايىمداي بەرىڭىز. وبلىس ورتالىعىنىڭ  شاعىن  اۋداندارىندا دا سۋ كولونكالارى  ىستەن شىعىپ, تۇرعىنداردىڭ اۋىز سۋدان تارىعىپ وتىرعان جايلارى بار. ءومىر ەسقالي. سولتۇستىك قازاقستان وبلىسى.