ۆيتسە-مينيستر الدىمەن سوعىس كەزىندە مايدانعا 1 ملن 200 مىڭنان استام قازاقستاندىق شاقىرىلعانىن, 20-دان استام اتقىشتار ديۆيزياسى مەن باسقا دا قۇرامالار قۇرىلعانىن ايتتى. جاۋىنگەرلىك ەرلىكتەرى ءۇشىن مىڭداعان قازاقستاندىقتار مەدالدارمەن جانە وردەندەرمەن ماراپاتتالىپ, 500-گە جۋىق ادام كەڭەس وداعىنىڭ باتىرى اتاندى. ءتورت قازاقستاندىق ەكى مارتە باتىر اتانىپ, 110 قازاقستاندىق ءۇش دارەجەلى «داڭق» وردەنىمەن ماراپاتتالعان. بيىل 1 مامىرداعى جاعداي بويىنشا قازاقستاندا 1025 ۇوس قاتىسۋشىلارى مەن مۇگەدەكتەرى جانە 123 217 ۇوس كەزىندە جەڭىسكە ۇلەس قوسقان باسقا ساناتتاعى ازاماتتار تۇرادى.
ء«وز ەلىنىڭ وتكەنىن ءبىلۋ جانە قۇرمەتتەۋ, كەلەشەك ۇرپاقتىڭ جارقىن بولاشاعى ءۇشىن جەڭىستى جاقىنداتۋ جولىندا مايداندا سوعىسقان جانە تىلدا ەڭبەك ەتكەن ارداگەرلەرىمىزدىڭ ەرلىكتەرىن ۇمىتپاۋ – ءاربىر ادامنىڭ پارىزى. 75 جىلدىقتا ارداگەرلەرگە قامقورلىق كورسەتۋ, ولاردىڭ ءومىر ءسۇرۋ ساپاسىن ارتتىرۋ مەملەكەتتىڭ الەۋمەتتىك ساياساتىنىڭ باستى باسىمدىقتارىنىڭ ءبىرى», دەدى ەرلان اۋكەنوۆ.
ماسەلەن, زەينەتاقى جانە وزگە دە الەۋمەتتىك تولەمدەردىڭ مولشەرى جىل سايىن ۇلعايۋدا. 2020 جىلدىڭ 1 قاڭتارىنان باستاپ تولەم مولشەرى بازالىق زەينەتاقى بويىنشا 5%-عا, ىنتىماقتى زەينەتاقى بويىنشا 7%-عا وسكەن. اعىمداعى جىلعى 1 ساۋىردەن باستاپ مەملەكەت باسشىسىنىڭ تاپسىرماسى بويىنشا تولەمدەردىڭ مولشەرى تاعى 5%-عا يندەكستەلىپ, ناتيجەسىندە 2020 جىلعى 1 مامىرداعى جاعداي بويىنشا الىناتىن الەۋمەتتىك تولەمدەردىڭ ورتاشا جيىنتىق مولشەرى ۇوس قاتىسۋشىلارىنا – 164 542 تەڭگەنى, ۇوس مۇگەدەكتەرىنە – 169 762 تەڭگەنى, ۇوس قاتىسۋشىلارىنا تەڭەستىرىلگەن ادامدارعا – 156 000 تەڭگەنى, ۇوس مۇگەدەكتەرىنە تەڭەستىرىلگەن ادامدارعا – 109 427 تەڭگەنى, ۇوس جىلدارىنداعى تىل ەڭبەككەرلەرىنە 107 577 تەڭگەنى قۇرادى.
«سونىمەن قاتار ارداگەرلەرگە الەۋمەتتىك قولداۋدىڭ قوسىمشا شارالارى كورسەتىلەدى. ولاردىڭ بارلىعى اسكەري قىزمەتشىلەر ءۇشىن قولدانىلاتىن قۇقىقتار مەن كەپىلدىكتەرگە يە. جەڭىلدىكپەن تۇرعىن ءۇي الادى, سالىق سالۋ بويىنشا جەڭىلدىكتەرى بار, مەديتسينالىق قىزمەت كورسەتۋ جانە ساناتورلىق-كۋرورتتىق ەمدەلۋدەن تەگىن وتەدى. سونداي-اق جەرگىلىكتى اتقارۋشى ورگاندار بيۋدجەتتىك جانە دەمەۋشىلىك قاراجات ەسەبىنەن ارداگەرلەرگە ومىرلىك قيىن جاعدايدا نەمەسە مەرەكە (اتاۋلى) كۇندەرى ماتەريالدىق كومەك, تۇرعىن ءۇيدى جوندەۋ, وتىنمەن قامتاماسىز ەتۋ, كوممۋنالدىق قىزمەتتەردى تولەۋ جانە قوعامدىق كولىكتە جول ءجۇرۋ بويىنشا جەڭىلدىكتەر تۇرىندە قوسىمشا الەۋمەتتىك قولداۋ تۇرلەرىن كورسەتەدى», دەپ تولىقتىردى ۆيتسە-مينيستر.
جىل سايىن بىرجولعى ماتەريالدىق كومەك تولەۋ داستۇرگە اينالدى. جەڭىستىڭ 75 جىلدىعىنا وراي جەرگىلىكتى بيۋدجەتتەردە وسى ماقساتقا 7,6 ملرد تەڭگە قاراستىرىلعان.
جالپى, ازاماتتاردىڭ كەلەسى ساناتتارىنا جاتاتىن 124 242 ادام ءۇشىن بىرجولعى تولەمدەر قاراستىرىلعان. ولار: ۇوس قاتىسۋشىلارى مەن مۇگەدەكتەرى (1025 ادام), قورشاۋداعى لەنينگراد تۇرعىندارى (87 ادام), كونتسلاگەرلەردىڭ كامەلەتكە تولماعان بۇرىنعى تۇتقىندارى (289 ادام), قايتىس بولعان ۇوس مۇگەدەكتەرىنىڭ ايەلدەرى (كۇيەۋلەرى) (4 866 ادام), ۇوس كەزىندە قازا بولعانداردىڭ جەسىرلەرى (15 ادام), تىل ەڭبەككەرلەرى (109 040 ادام), ۇوس قاتىسۋشىلارى مەن مۇگەدەكتەرىنە تەڭەستىرىلگەن باسقا دا ادامدار (8 920 ادام).
«ەڭبەك جانە حالىقتى الەۋمەتتىك قورعاۋ مينيسترلىگى وڭىرلەر مەن رەسپۋبليكالىق ماڭىزى بار قالالاردىڭ اكىمدىكتەرىنە ۇوس-داعى جەڭىسكە ۇلەس قوسقان ازاماتتاردىڭ بارلىق ساناتتارى ءۇشىن ماتەريالدىق كومەكتىڭ ەڭ تومەنگى كەپىلدى شەگىن بەلگىلەۋدى ۇسىندى. ناتيجەسىندە, ۇوس قاتىسۋشىلارى مەن مۇگەدەكتەرىنە بارلىق وڭىرلەردە 1 ملن تەڭگە كولەمىندە بىرجولعى ماتەريالدىق كومەك كورسەتىلدى. قورشاۋداعى لەنينگراد تۇرعىندارىنا جانە كونتسلاگەرلەردىڭ جاسى كامەلەتكە تولماعان بۇرىنعى تۇتقىندارىنا 50 مىڭ تەڭگەدەن كەم ەمەس قارجى بەرىلەدى. قايتىس بولعان ۇوس مۇگەدەكتەرىنىڭ ايەلدەرىنە, ۇوس كەزىندە قازا تاپقان جاۋىنگەرلەردىڭ جەسىرلەرىنە جانە ۇوس جىلدارىنداعى تىل ەڭبەككەرلەرىنە 30 مىڭ تەڭگەدەن كەم ەمەس بىرجولعى ماتەريالدىق كومەك بەرىلەدى», دەدى ەرلان اۋكەنوۆ.
رەسپۋبليكانىڭ 7 وڭىرىندە تولەمدەر اياقتالدى. ولار – اقتوبە, اتىراۋ, شىعىس قازاقستان, قاراعاندى, قىزىلوردا وبلىستارى مەن نۇر-سۇلتان, الماتى قالالارى. سونىمەن قاتار ۇلى وتان سوعىسىنداعى جەڭىستىڭ 75 جىلدىعىن مەرەكەلەۋ اياسىندا ارداگەرلەرگە «1941-1945 جىلدارداعى ۇلى وتان سوعىسىنداعى جەڭىستىڭ 75 جىلدىعى» مەرەيتويلىق مەدالدارى, سونداي-اق ءداستۇرلى ازىق-ت ۇلىك سەبەتتەرى بەرىلەدى.
