ورتاق مەموراندۋم قازاقستان مەن وزبەكستان اراسىندا بيزنەستىڭ باسەكەگە قابىلەتتىلىگىن ارتتىرۋدىڭ ماڭىزدى مەحانيزمىنە اينالماق. وسىلايشا, ەكى تاراپ تىعىز كوممەرتسيالىق بايلانىستاردى دامىتۋعا, ەكىجاقتى ينۆەستيتسيالار مەن تەحنولوگيالاردى بەرۋ كولەمىن ۇلعايتۋعا العىشارت جاسادى. «تۇركىستاندى ءبىز تەك قازاقستاننىڭ ەمەس, تۇركى الەمىنىڭ مادەني ورتالىعى ەتۋ ءۇشىن 3 باعىتتا دامىتۋدامىز. رۋحاني-مادەني ورتالىق - ءبىزدىڭ تاريحىمىز بەن سالت-داستۇرىمىزدەن سىر شەرتەتىن اۋماق بولادى. مۇندا تۋريستىك ورىندار, ەتنواۋىل, بوتانيكالىق باق, كىتاپحانا, تەاترلار سالىنسا, اكىمشىلىك-ىسكەرلىك ورتالىقتا ءبىز وتىرعان وبلىس اكىمدىگى العاشقى نىسان رەتىندە پايدالانۋعا بەرىلدى. ودان بولەك باسقارمالار, كونگرەسس-حوللدار سالىنادى. جالپى, ءاربىر ينۆەستيتسيالىق جوبانى قولداۋعا دايىنبىز. وسىعان سىزدەردى دە ۇلەس قوسۋعا شاقىرامىن», دەدى تۇركىستان وبلىسىنىڭ اكىمى ومىرزاق شوكەەۆ كەزدەسۋ بارىسىندا.
كورشى ەلدىڭ قۇرىلىس مينيسترلىگى تۇركىستان وبلىسىنا ينۆەستيتسيا سالۋ مۇمكىندىگىن قاراستىرۋعا نيەتتى. اكىمدىك ءوز قۇزىرەتى شەگىندە باستامالارىن قولداۋ جانە ونى ىسكە اسىرۋ ءۇشىن قولايلى جاعدايلار جاساۋدى كوزدەيدى. تۋركىستان وبلىسى اكىمىنىڭ ورىنباسارى م.مىرزاليەۆ پەن وزبەكستان رەسپۋبليكاسى قۇرىلىس مينيسترلىگى اتىنان ءمينيستردىڭ ءبىرىنشى ورىنباسارى ش. حيداياتوۆ قول قويعان مەموراندۋم ءوڭىردى دامىتۋعا ۇلەس قوسادى دەپ كۇتىلۋدە.
