كەشە پرەمەر-مينيستر سەرىك احمەتوۆ رەسەي فەدەراتسياسىنىڭ سوچي قالاسىندا وتكەن ۇجىمدىق قاۋىپسىزدىك شارتى ۇيىمىنىڭ ۇجىمدىق قاۋىپسىزدىك كەڭەسى سەسسياسىنا قاتىستى.
كەشە پرەمەر-مينيستر سەرىك احمەتوۆ رەسەي فەدەراتسياسىنىڭ سوچي قالاسىندا وتكەن ۇجىمدىق قاۋىپسىزدىك شارتى ۇيىمىنىڭ ۇجىمدىق قاۋىپسىزدىك كەڭەسى سەسسياسىنا قاتىستى.
سوچي – 2014 جىلى قىسقى وليمپيادا وتەتىن ورىن رەتىندە بۇگىندە بۇكىل الەمگە ايگىلى قالا. وندا قازىر الداعى اقپاندا بولاتىن وسىناۋ ءىرى سپورتتىق شاراعا دايىندىق جۇمىستارى قىزۋ ءجۇرىپ جاتىر. كەشە ۇكىمەت باسشىسى س.احمەتوۆ ساپارىنىڭ باسىن وسىندا وليمپيادا قارساڭىندا سالىنىپ جاتقان بىرقاتار سپورتتىق نىسانداردى ارالاۋدان باستادى. «بولشوي» مۇز سارايىنا اتباسىن بۇرىپ, «ادلەر-ارەنا» كونكي كەشەنىن بارىپ كوردى. سونداي-اق, «ايسبەرگ» مۇز سپورت سارايىن ارالادى. پرەمەر-مينيستر ءسوچيدىڭ وليمپياداعا دايىندىعىن جوعارى باعالادى. ويىنداردىڭ بيىك دەڭگەيدە وتەتىنىنە كۇمانسىز ەكەنىن ايتىپ, وليمپيادا وتكىزۋگە تابىس تىلەدى.
س.احمەتوۆتىڭ اتالمىش سپورت نىساندارىنا ارنايى بارۋى تەگىن ەمەس. سەبەبى, بولاشاقتا قىسقى وليمپيادا ويىندارىن ءوز ەلىندە وتكىزۋگە قازاقستاننىڭ دا ءۇمىتى بار. ارينە, استانادا ازيادا ويىندارىن ويداعىداي وتكىزگەن ەل الداعى ۋاقىتتا الماتىنى دا وليمپيادا ويىندارىنىڭ الاڭىنا اينالدىرا الار ەدى. بۇل جونىندە ەلباسى دا ءجيى ايتىپ ءجۇر. الماتىدا الەمدىك شارانى وتكىزۋگە مۇمكىندىك مول, قولايلى جاعداي بار دەگەن بولاتىن پرەزيدەنت ءبىر سوزىندە. تەك ۇيىمداستىرۋشىلار تاراپىنان قولداۋ تاپسا بولعانى.
سونىمەن, س.احمەتوۆ كەشە تۇسكە دەيىن ءسوچيدىڭ سپورت نىساندارىن ارالاپ, كۇننىڭ ەكىنشى جارتىسىندا ۇجىمدىق قاۋىپسىزدىك كەڭەسىنىڭ سەسسياسىنا قاتىستى. سەسسيا وتىرىسىنا ۇيىمعا مۇشە مەملەكەتتەر باسشىلارى – رەسەي پرەزيدەنتى ۆلاديمير پۋتين, ارمەنيا پرەزيدەنتى سەرج سارگسيان, بەلورۋسسيا پرەزيدەنتى الەكساندر لۋكاشەنكو, قىرعىزستان پرەزيدەنتى الماز اتامباەۆ, تاجىكستان پرەزيدەنتى ەمومالي راحمون تۇگەل كەلىپتى. ال س.احمەتوۆ پرەزيدەنتتىڭ تاپسىرىسى بويىنشا قازاقستان اتىنان باردى.
سەسسيا جۇمىسى الدىمەن شاعىن قۇرامداعى كەزدەسۋدەن باستالدى. وندا پرەزيدەنتتەر جەكە-جەكە ءسوز الىپ, ۇجىمدىق قاۋىپسىزدىك كەڭەسى جۇمىسىنا قاتىستى ۇسىنىستارى مەن ويلارىن ورتاعا سالدى. قازاقستان پرەزيدەنتى اتىنان س.احمەتوۆ سويلەدى. ءسوز باسىندا سەسسيانى ۇيىمداستىرۋشىلار مەن ۇيىم توراعالىعىنداعىلارعا ەلباسى نۇرسۇلتان نازارباەۆتىڭ العىسىن ايتىپ, سالەمىن جەتكىزدى. ودان ءارى ۇجىمدىق قاۋىپسىزدىك شارتى ۇيىمىنىڭ كۇن تارتىبىندە تۇرعان وزەكتى ماسەلەلەرگە وراي قازاقستاننىڭ ۇستانىمدارىن جەتكىزدى. قازاقستان ۇجىمدىق قاۋىپسىزدىك شارتى ۇيىمىنىڭ دامۋىنا ەرەكشە ىقىلاستى ەكەندىگىن ايتىپ, ۇيىم الدىندا تۇرعان ماڭىزدى ءماسەلەلەر – اۋعانستان احۋالى, «تاليبان» قوزعالىسىنا قاتىستى جاعدايلاردىڭ ورتالىق ازيانىڭ 2014 جىلدان كەيىنگى دامۋىنا كەرى اسەرىن تيگىزەتىنى جايىندا ويلانتاتىنىن اتاپ ءوتتى. قازاقستان قازىرگى تاڭدا بولىپ جاتقان جاھاندىق جاعدايلارعا قاتىستى ۇجىمدىق قاۋىپسىزدىك شارتى ۇيىمىنىڭ ۇستانعان باعىتتارىن قولدايتىنىن ايتا كەلىپ, سيرياداعى جاعدايعا بايلانىستى قازاقستاننىڭ ۇستانىمىن جەتكىزدى.
«ءبىز سيرياداعى جانە ونىڭ اينالاسىنداعىلارعا قاتىستى قابىلدانعان ءمالىمدەمەلەردىڭ ءبارىن قولدايمىز. قازاقستاندىق تاراپ سيريالىق بيلىكتىڭ حيميالىق قارۋدى حالىقارالىق قاداعالاۋعا بەرۋ تۋرالى شەشىمى ونداعى قانتوگىس قاقتىعىستاردى توقتاتىپ, سيرياداعى جاعدايدى تۇراقتاندىرۋعا سەپتىگىن تيگىزەدى دەپ ۇمىتتەنەدى. بۇل رەتتە «جەنەۆا-2» كونفەرەنتسياسىنىڭ ءوتۋى سيريانىڭ ساياسي جاعدايىنا قاتىستى ماسەلەلەردى ىنتىماقتاستىق تۇرعىدا, اشىق پىكىرلەسە وتىرىپ شەشۋگە مۇمكىندىك بەرەدى دەپ ەسەپتەيمىز», دەپ اتاپ ءوتتى س.احمەتوۆ.
سەسسيا جۇمىسى بۇدان ءارى كەڭ قۇرامداعى وتىرىسپەن جالعاستى. شاعىن قۇرامدى وتىرىستا كوتەرىلگەن ماسەلەلەر اۋقىمدى تۇردە تالقىلاندى.
ۇجىمدىق قاۋىپسىزدىك شارتى ۇيىمى – اسكەري-ساياسي سالاداعى تمد مەملەكەتتەرىنىڭ باسىن بىرىكتىرىپ تۇرعان ماڭىزدى قۇرىلىم. قۇرامىندا قازاقستان, ارمەنيا, بەلارۋس, قىرعىزستان, رەسەي, تاجىكستان سىندى التى مەملەكەت بار.
ۇيىم وتكەن جىلى ون جىلدىعىن اتاپ وتكەن بولاتىن. ون جىلدىڭ ىشىندە بۇل ۇيىم ەكىنشى ناتو اتانباسا دا, ايماقتى قويىپ, الەمدىك دەڭگەيدە ايرىقشا ورنى بار قۇرىلىمعا اينالدى دەۋگە نەگىز بار. باستاپقىدا لاڭكەستىكپەن كۇرەسىپ, ەسىرتكى ساۋداسىن قۇرىقتاۋ ءۇشىن قۇرىلعان ۇيىم ءوزىنىڭ ونجىلدىق تاريحىندا ەلدەر قاۋىپسىزدىگىن قامتاماسىز ەتۋ جولىندا ءبىراز جۇمىس اتقاردى.
ون جىلدىق دامۋدى ارتقا تاستاعان ۇجىمدىق قاۋىپسىزدىك شارتى ۇيىمى قازىرگى تاڭدا ءوزىنىڭ جاڭا دامۋ جولىنا ءتۇستى دەسە بولاتىنداي. ياعني وتكەندى باعالاپ, كەمشىن تۇستى سارالاي كەلە, زاماناۋي تالاپتارعا ساي ماڭىزدى شارالاردى قولعا الدى. ەستەرىڭىزدە بولسا,
