تۇركىستان وبلىسى اكىمىنىڭ ورىنباسارى جولدىمۇرات امانباەۆ, تولەبي اۋدانىنىڭ اكىمى باۋىرجان وماربەكوۆ, اۋداندىق ارداگەرلەر كەڭەسىنىڭ توراعاسى ءاتىرحان شىڭعىسباەۆ ەكىنشى دۇنيەجۇزىلىك سوعىستا جەڭىسكە ۇلەس قوسقان مايدانگەردى جاڭا باسپاناسىمەن قۇتتىقتاپ, ارنايى سىي-سياپات جاسادى. بۇعان دەيىن لەنگىر قالاسىندا جەر ۇيدە بالا-شاعاسىمەن بىرگە تۇرىپ كەلگەن 99 جاستاعى اقساقال 9 ۇل-قىزىنان 50-گە جۋىق نەمەرە, شوبەرە, شوپشەك ءسۇيىپ وتىر.
جىل وتكەن سايىن قاتارى سيرەپ بارا جاتقان ارداگەرلەردى ارداقتاۋ جانە ولاردىڭ ەرلىگىنە تاعزىم رەتىندە وبلىس اكىمدىگى كومەك شارالارى مەن كوپتەگەن جەڭىلدىكتەر جاساپ كەلەدى. بيىل تۇركىستان وبلىسىندا تۇراتىن 40 سوعىس ارداگەرى مەن 8251 تىل ەڭبەككەرلەرى مەن قازا بولعان جاۋىنگەردىڭ جەسىرلەرىنە جانە 2 بلوكادالىق لەنينگرادتىڭ تۇرعىنىنا ءتيىستى قارجىلاي كومەك بەرىلۋدە.ء بىر رەتتىك ماتەريالدىق كومەكتىڭ كولەمى 8293 ادامعا 287 810,0 مىڭ تەڭگەنى قۇرايدى. ونىڭ ىشىندە ءساۋىر ايىندا 5826 ادامعا 170990,0 مىڭ تەڭگەنىڭ كومەگى تولەنگەن.
