«الەمنىڭ كوپتەگەن ەلدەرىندە وزبەكستان ازاماتتارى قالعانىن بارلىعى بىلەدى. ەندى جۇيەلى نەگىزدە, مۇمكىندىكتەرگە سۇيەنە وتىرىپ, ءبىز ولاردى قايتارۋىمىز كەرەك. ءبىز ولاردى رەسەيدەن, تۇركيادان, دۋبايدان جانە باسقا جەرلەردەن قايتارا باستادىق. قازىر ءبىزدىڭ قولداعى دەرەكتەر بويىنشا 11 مىڭ وزبەكستاندىق شەت ەلدەردە قيىندىقپەن بەتپە-بەت قالىپ وتىر. ءبىز ولاردى الدىمەن قايتارۋ ءۇشىن بارلىق شارالاردى قولدانامىز. كەلۋشىلەر اراسىندا اۋرۋدىڭ كوپتەگەن جاعدايلارى تىركەلگەنىن بارلىعى ءبىلۋى كەرەك. وسىنى ەسكەرە وتىرىپ, ءبىز وتە ساق بولۋىمىز كەرەك», دەدى مەملەكەت باسشىسى.
ەستەرىڭىزگە سالا كەتەيىك, ءساۋىر ايىنىڭ سوڭىندا مەملەكەتتىك سانيتارلىق-ەپيدەميولوگيالىق قاداعالاۋ ينسپەكتسياسىنىڭ باسشىسى نۇرمات وتابەكوۆ كۇن سايىن وزبەكستانعا 500-600 شەتەلدەن كەلىپ جاتقانىن, ولاردىڭ باسىم كوپشىلىگى قازاقستان, قىرعىزستان جانە اۋعانستان ارقىلى كەلىپ جاتقانىن ايتقان. ولاردىڭ بارلىعى ەلگە كەلگەن بويدا 14 كۇندىك كارانتينگە وقشاۋلانادى.
سوڭعى مالىمەتتەر بويىنشا, وزبەكستاندا كوروناۆيرۋس جۇقتىرعانداردىڭ سانى 2314 ادامدى قۇرايدى. كەشە ۆيرۋس 65 ازاماتتا انىقتالدى. دەرتتەن جازىلىپ شىققانداردىڭ سانى جالپى سانى - 1688. 10 ادام وسى دەرتتەن قايتىس بولدى.
