قوعام • 08 مامىر، 2020

جەمقورلىققا قارسى كۇرەس ۋنيۆەرسيتەت دەڭگەيىندە جۇرگىزىلەدى

61 رەت كورسەتىلدى

ۋنيۆەرسيتەتتە سىبايلاس جەمقورلىققا قارسى تۇراقتى مونيتورينگ جۇرگىزىلەدى. ءاربىر ارالىق باقىلاۋدان، سەسسيادان كەيىن ءبىلىم الۋشىلار اراسىندا ءانونيمدى ساۋالناما جۇرگىزىلەدى. ساۋالناما ناتيجەلەرى نەگىزىندە ۋنيۆەرسيتەت باسشىلىعى انىقتالعان كەمشىلىكتەردى تۇزەتۋ بويىنشا باسقارۋ شەشىمدەرىن قابىلدايدى.

ءبىلىم بەرۋ ساپاسىن جاقسارتۋ جانە جاستاردىڭ سىبايلاس جەمقورلىققا قارسى مادەنيەتىن قالىپتاستىرۋ ماقساتىندا بارلىق ءبىلىم بەرۋ قۇرىلىمدارى دەڭگەيىندە،  سىبايلاس جەمقورلىققا قارسى ءىس-قيمىل جونىندەگى كەڭەس مۇشەلەرىنىڭ قاتىسۋىمەن ءداستۇرلى تۇردە «جەكە فورماتتا» 567 پەداگوگيكالىق قىزمەتكەرلەردىڭ جانە 772 ءبىلىم الۋشىلاردىڭ قاتىسۋىمەن 14 كەزدەسۋ ءوتتى.

كەزدەسۋلەر بارىسىندا سىبايلاس جەمقورلىققا قارسى ءىس-قيمىل جونىندەگى ۋنيۆەرسيتەت كەڭەسىنىڭ جانە  «پاراسات» ورتالىعىنىڭ وسى باعىتتا اتقارىلعان ءىس-شارالار جونىندەگى اقپاراتى، ەمتيحان سەسسياسى كەزىندەگى ءتارتىپ ەرەجەلەرىن، اكادەميالىق ادالدىق كودەكسىنىڭ ەرەجەلەرىن ساقتاۋ جانە ۋنيۆەرسيتەت دەڭگەيىندە سىبايلاس جەمقورلىق فاكتىلەرىنە جول بەرمەۋ جونىندەگى اتقارىلعان كەشەندى جۇمىستاردىڭ ناتيجەلەرى باياندالدى.

2019-2020 وقۋ جىلىندا ۋنيۆەرسيتەتتە جاستار ءىسى جونىندەگى كوميتەت پەن ستۋدەنتتىك رەكتوراتتىڭ قاتىسۋىمەن 4 سىبايلاس جەمقورلىققا قارسى ساۋالناما جۇرگىزىلدى، ونىڭ ىشىندە قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ تاپسىرماسى بويىنشا «تالاپ» قولدانبالى زەرتتەۋلەر ورتالىعى جوعارى وقۋ ورىندارىنىڭ ستۋدەنتتەرى اراسىندا وتكىزگەن (سىبايلاس جەمقورلىق قۇراۋىشتارىنىڭ بولۋى تۇرعىسىنان كارانتين جاعدايىندا جاقىندا وتكىزىلگەن ونلاين-ساۋالناما دا بار)،  وعان 948 ستۋدەنت قاتىستى.

بەلسەندى ستۋدەنتتەر اراسىنان قۇرىلعان سىبايلاس جەمقورلىققا نولدىك توزىمدىلىكتى  قالىپتاستىرۋ  جانە ونىڭ الدىن الۋ جونىندەگى مونيتورينگتىك توپ  مۇشەلەرى قىسقى ەمتيحاندى تاپسىرۋ جانە قابىلداۋ بارىسىندا  «جەمقورلىقسىز سەسسيا»  اكتسياسىن، سونىمەن قاتار،  الەۋمەتتىك  ساۋالنامالار  جۇرگىزىلدى. بارلىق كۋرستار  بويىنشا ساۋالناما سۇراقتارىنا 2893 ستۋدەنت جاۋاپ بەردى. قىسقى سەسسيا  قورىتىندىسى  بويىنشا ادەپتىلىك تالاپتارىن ساقتاماعاندارى ءۇشىن ءبىر  ستۋدەنت (ەمتيحاندا ۇيالى تەلەفونىن  پايدالانعانى ءۇشىن) وقۋدان شىعارىلدى،  61 ستۋدەنتكە  قاتاڭ سوگىس جاريالاندى (شپورگالكا قولدانعاندارى ءۇشىن).

وسى جىلدىڭ 17-25 اقپانى ارالىعىندا جاستار ءىسى جونىندەگى كوميتەت پەن ستۋدەنتتىك رەكتوراتتىڭ قاتىسۋىمەن ءبىلىم ساپاسى، جاتاقحانا ماسەلەلەرى، تاربيە ساياساتى تۋرالى ساۋالنامالار جۇرگىزىلدى. ساۋالناماعا باكالاۆرياتتا وقيتىن 5300 جۋىق 1-4 كۋرس ستۋدەنتتەرى قاتىستى. ساۋالنامالاردىڭ پايىزدىق ەسەپتىك ناتيجەلەرى رەكتوراتتىڭ ارنايى جينالىسىندا قارالۋعا جوسپارلاندى.

ستۋدەنتتەر اراسىندا پاراساتتىلىقتى ناسيحاتتاۋ، سىبايلاس جەمقورلىققا نولدىك توزىمدىلىكتى قالىپتاستىرۋ ءۇشىن بارلىق ءبىلىم بەرۋ ينستيتۋتتارىندا ۇياشىقتارى بار 209 بەلسەندى ستۋدەنتتەردىڭ قاتىسۋىمەن «سانالى ۇرپاق» ستۋدەنتتىك كلۋبى  قۇرىلدى. كلۋبتىڭ جۇمىس جوسپارىندا سىبايلاس جەمقورلىق كورىنىستەرىنە جول بەرمەۋ جونىندەگى ءىس-شارالار قاراستىرىلعان. كلۋب مۇشەلەرى «SANALY URPAQ» رەسپۋبليكالىق جوبالاۋ كەڭسەسىمەن جوعارى وقۋ ورىندارى ستۋدەنتتەرىنىڭ اراسىندا وتكىزىلەتىن سىبايلاس جەمقورلىققا قارسى تاقىرىپتا ۇزدىك ەسسە، ولەڭ، سۋرەت، پلاكات، ستيكەر، بەينەروليك سياقتى بايقاۋلارىنا قاتىسىپ تۇرادى.

ۋنيۆەرسيتەتتە (2020 جىلدىڭ 29 قاڭتارى مەن 4 اقپانى ارالىعىندا) ونەر، مادەنيەت جانە سپورت ينستيتۋتىنىڭ كوركەم-گرافيكالىق ءبولىمىنىڭ ستۋدەنتتەرى اراسىندا «اكادەميالىق ادالدىق» كودەكسىنە نەگىزدەلگەن «سىبايلاس جەمقورلىق - سۋرەتشىلەر كوزىمەن»  پلاكاتتار بايقاۋى وتكىزىلدى. بايقاۋعا  24 ءبىلىم الۋشى قاتىسىپ، 20 جۇمىس ۇسىنىلدى. بايقاۋ جۇمىستارىنىڭ كورمەسىمەن قر ءبىلىم جانە عىلىم ءمينيسترى  ا.ق.ايماعامبەتوۆ تانىستى.

بايقاۋعا قاتىسۋ ارقىلى ماگيسترانتتار، ستۋدەتتەر وزدەرىنىڭ شىعارماشىلىققا دەگەن قىزىعۋشىلىعىن ارتتىرىپ، پاتريوتتىق تاربيەگە باۋلۋ، ۇيىمشىلدىق پەن تارتىپتىلىكتىڭ ءتيىمدى جولدارىن تابا ءبىلۋ، جەمقورلىقتىن الدىن الۋ، شىعارماشىلىق وي تالعامدارىن بەينەلەپ كورسەتۋ ارقىلى ءوزىن-ءوزى دامىتۋعا مۇمكىندىك الدى.

2020 جىلدىڭ 12 ناۋرىزىندا ۋنيۆەرسيتەتتىڭ «پاراسات» ورتالىعىنىڭ باستاماسىمەن  سىبايلاس جەمقورلىققا قارسى ءىس قيمىل جونىندەگى حالىقارالىق ستاندارتتاردى ۋنيۆەرسيتەت دەڭگەيىندە ەنگىزۋ ءۇشىن ۋنيۆەرسيتەتتىڭ جەتەكشى ماماندارىنىڭ قاتىسۋىمەن (83 ادامنىڭ) «ISO 37001: 2016 حالىقارالىق ستاندارتىنىڭ تالاپتارىنا سايكەس سىبايلاس جەمقورلىققا قارسى مەنەدجمەنتى جۇيەسىنىڭ ىشكى اۋديتورلارىن دايىنداۋ»  جونىندەگى سەمينار وتكىزىلدى.

سەمينارعا قاتىسىپ ءبىلىم العان قىزمەتكەرلەر قاتارىنان قۇرىلعان 24 اۋديتورلار توبىمەن ۋنيۆەرسيتەت دەڭگەيىندە ەنگىزىلگەن سىبايلاس جەمقورلىققا قارسى ارەكەت ەتۋ مەنەدجمەنتى جۇيەسىنىڭ  زاڭناماسىمەن (ستاندارتپەن) ايقىندالعان تالاپتارعا سايكەستىگىن انىقتاۋ باعىتىنداعى اۋديتورلىق تەكسەرۋ جۇمىستارى جۇرگىزىلۋدە.

2020 جىلدىڭ 27 ناۋرىزىندا «Sanaly Urpaq» رەسپۋبليكالىق جوبالاۋ كەڭسەسىنىڭ باسشىسى قايىرجان توكۋشەۆتىڭ «سىبايلاس جەمقورلىققا قارسى مادەنيەتتى قالىپتاستىرۋ» تاقىرىبىنداعى ءدارىسى وتكىزىلدى. ونلاين فورماتىندا وتكىزىلگەن دارىسكە ۋنيۆەرسيتەتىمىزدىڭ ادەپ جانە سىبايلاس جەمقورلىققا قارسى ءىس-قيمىل جونىندەگى ۋاكىلى-ءبىرىنشى پرورەكتور، «پاراسات» ورتالىعىنىڭ ديرەكتورى جانە قۇرىلىمدىق ءبولىم باسشىلارى مەن ينستيتۋت ديرەكتورلارىنىڭ ورىنباسارلارى قاتىستى.

مۇنداي دارىستەرگە قاتىسۋدىڭ ناتيجەسىندە سىبايلاس جەمقورلىققا قارسى مادەنيەتتى قالىپتاستىرۋ بويىنشا ءىس-شارالاردى دۇرىس ۇيىمداستىرۋ، ىشكى جانە سىرتقى مونيتورينگتى جۇرگىزۋ، سىبايلاس جەمقورلىققا قارسى ستاندارتتاردىڭ ساقتالۋىن باقىلاۋ،  قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى تاراپىنان اتقارىلىپ جاتقان جۇمىستار تۋرالى ماسەلەلەر كەڭىنەن تالقىلانادى.

جالپى، قىزمەتكەرلەر جانە ءبىلىم الۋشىلار سىبايلاس جەمقورلىق وقيعاسىن، مۇددەلەر قاقتىعىسىن نەمەسە وسى باعىتتاعى باسقا دا ءىس-قيمىل ساياساتىن بۇزاتىن كەز كەلگەن جاعدايلاردى انىقتاعان جاعدايدا، ولار سىبايلاس جەمقورلىققا قارسى ءىس-قيمىل جونىندەگى كەڭەستىڭ جۇمىس ورگانى بولىپ تابىلاتىن «پاراسات» ورتالىعىنا تىكەلەي جۇگىنە الادى. ول جونىندەگى ءراسىم ۋنيۆەرسيتەتتە قالىپتاسقان. ءاربىر ءوتىنىش بويىنشا تەكسەرۋ جۇرگىزىلەدى (اعىمداعى وقۋ جىلىندا 7 ءوتىنىش قارالدى)، ناتيجەلەرى ادەپ جانە سىبايلاس جەمقورلىققا  قارسى ءىس-قيمىل جونىندەگى ۋاكىلگە باياندالادى.

سونىمەن قاتار، ۋاكىلەتتى مەملەكەتتىك ورگانداردىڭ تاپسىرۋىمەن الەۋمەتتىك جەلىدە ۋنيۆەرسيتەتتىڭ قىزمەتىنە قاتىستى اقپاراتپەن ءبولىسۋ، جەكە جانە زاڭدى تۇلعالارمەن كەرى بايلانىستى قالىپتاستىرۋ ءۇشىن ادەپ جانە سىبايلاس جەمقورلىق تاۋەكەلدەرىنە قارسى ءىس-قيمىل جونىندەگى ۋاكىلدىڭ جەكە رەسمي پاراقشاسى اشىلىپ، جەكە بايلانىس دەرەكتەرى جاريالاندى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار