الەمدى ابىگەرگە سالعان پاندەمياعا بايلانىستى, اتاۋلى مەرەكەنى ءسان-سالتاناتپەن اتاپ وتۋگە شەكتەۋ قويىلعانىمەن, بەيبىت كۇننىڭ ورناۋىنا ۇلەس قوسقان جانداردى قۇتتىقتاۋعا ارنالعان شارالار لەگى جالعاسىپ جاتىر. كۇنى كەشە ەلىمىزگە بەلگىلى اكادەميك, ەكونوميكا عىلىمدارىنىڭ كورنەكتى وكىلى وراز بايمۇراتوۆقا رەسەي پرەزيدەنتى ۆلاديمير ءپۋتيننىڭ اتىنان مەرەكەلىك مەدال تابىستالدى.
– بۇل كۇن تاريحىمىزعا وشپەستەي ءىز قالدىرعان ۇمىتىلماس كۇن. ءاربىر ۇرپاق بۇل قاسىرەتتى دە قيىن تاريحتى جادىنان شىعارماۋى ءتيىس. اكەلەرىمىز مايدان دالاسىندا ەلىن قورعادى. ءبىز سەكىلدى سوعىس زامانىنىڭ بالالارى دا انالارىمىزعا قولداۋ كورسەتىپ, ەڭبەكپەن وستىك. مەرەكە اياسىندا ارنايى مەدال جولداعان رەسەي پرەزيدەنتىنە العىسىمدى بىلدىرەمىن. بۇل ماعان عانا ەمەس, ءبىزدىڭ ەلىمىزگە, ءوزىم باسشىلىق ەتەتىن الەۋمەتتىك ەكونوميكا جانە قارجى ينستيتۋتىنا جاسالعان قۇرمەت دەپ ەسەپتەيمىن. وتباسىمنىڭ جانە ۇجىمىمنىڭ اتىنان رەسەي فەدەراتسياسىنىڭ پرەزيدەنتى ۆلاديمير پۋتين مىرزاعا العىس بىلدىرەمىن, – دەيدى اكادەميك وراز بايمۇراتوۆ.
