ءاسكەري ءبولىم باسشىسىنىڭ قارۋ-جاراق جونىندەگى ورىنباسارى, پودپولكوۆنيك راحماتۋللا تاسپولاەۆ باستاپ كەلگەن 112 سارباز سۋ استىندا قالعان ەلدى مەكەندەردى تازالاۋ جانە حالىققا كومەك بەرۋ جۇمىستارىن جۇرگىزۋدە.
جول تالعامايتىن 20 كاماز تەحنيكاسىن الا كەلگەن اسكەري ءبولىم قىزمەتكەرلەرى ۆەتەرينارلىق قىزمەت جانە اكىمدىك وكىلدەرىمەن بىرگە سۋ باسقان ەلدى مەكەندەر ىشىنە كىرىپ, امان قالعان جان-جانۋارلاردى, زاتتاردى حالىققا جەتكىزۋدە. اسكەريلەر ادام اياعى بارا المايتىن جەرلەرگە كەدەرگىسىز جەتىپ, تابىلعان مال ولەكسەلەرىن قۇرعاق جەرگە تاسۋدا. ەءلدى مەكەندەرگە توپ-توپپەن بولىنگەن ساربازدار 6 كۇن بويى بايلاۋلى تۇرعان بۇزاۋدى سۋ قۇرساۋىنان امان الىپ شىعىپ, ۆەتەرينار ماماندارعا تابىستادى. بۇدان بولەك, ماماندار اتاكەنت اۋىلىنداعى كومەك قولىن قاجەت ەتكەن قويمالارعا بارىپ جۇك تۇسىرۋگە دە جاردەم بەرۋدە. 
سونداي-اق اسكەريلەر كۇنى كەشە ورگەباس اۋىلىندا 10 جۇك كولىگىنە تيەلگەن قۇمدى قاپقا سالىپ, ۇزىندىعى 1,5 شاقىرىم بولاتىن دامبا تۇرعىزدى.
