ميحايل تال 1936 جىلدىڭ 9 قاراشاسىندا ريگادا تۋدى. ول دۇنيەگە كەلگەندە وڭ قولىندا ءۇش-اق ساۋساعى بولدى. ول ازداي, بالاۋسا كەزىندە ول مەنينگيتپەن اۋىردى. سوعان قاراماستان اۋرۋشاڭ بالانىڭ ماتەماتيكاعا دەگەن قابىلەتى ەرتە بايقالدى. شاحماتقا دەن قويعان ميحايل ۋاقىت وزا وراسان زور تابىستارعا قول جەتكىزدى.
اتاپ ايتساق, كسرو مەن ەۋروپانىڭ التى دۇركىن جانە شاحمات وليمپيادالارىنىڭ سەگىز دۇركىن جەڭىمپازى اتانىپ, تاعى باسقا دا كوپتەگەن بەلەستەردى باعىندىردى.
الەمدىك ءتاج ءۇشىن تارتىس 1960 جىلدىڭ 15 ناۋرىزىندا ماسكەۋدەگى الەكساندر پۋشكين اتىنداعى تەاتردا باستالدى. ول كسرو-نىڭ تاعى ءبىر اتاقتى شاحماتشىسى ميحايل بوتۆينيكپەن شەبەرلىك بايقاستى. بۇل تارتىس ءتالدىڭ پايداسىنا شەشىلدى. وسىلايشا, كەيىپكەرىمىز سەگىزىنشى الەم چەمپيونى اتاندى.
