قوعام • 07 مامىر، 2020

بانكتەر ەكونوميكاعا 168 ميلليارد تەڭگە نەسيە بەردى

40 رەت كورسەتىلدى

قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە، كونترتسيكلدىك قاداعالاۋ ساياساتى اياسىندا 2020 جىلدىڭ 30 ناۋرىزى مەن 30 قىركۇيەگى ارالىعىندا بانكتەردىڭ كاپيتالى مەن وتىمدىلىگىنە قىسىمدى تومەندەتۋ ءۇشىن ۋاقىتشا پرۋدەنتسيالدىق شارالار ەنگىزىلدى.

«بۇل ءىس-شارالار قارجى ينستيتۋتتارىنىڭ ەكونوميكانى كرەديتتەۋ ءۇشىن 168 ملرد تەڭگە نەسيە بەرۋگە  مۇمكىندىك بەردى. قازىر بانكتەردە 561 ملرد  تەڭگە مولشەرىندە رەزەرۆتىك بۋفەر بار، ول بولىنگەن قاراجاتپەن بىرگە سىرتقى فاكتورلاردىڭ ەكونوميكانى نەسيەلەۋگە تەرىس اسەرىن ازايتۋعا مۇمكىندىك بەرەدى»،  دەپ اتاپ ءوتتى.

قارجى نارىعىن رەتتەۋ جانە دامىتۋ اگەنتتىگى   ۇلتتىق بانكپەن بىرگە جۇيەدە جانە جەكە دەڭگەيلەردە جاعىمسىز كۇيزەلىستەردىڭ اسەرىنە بانك سەكتورىنىڭ سەزىمتالدىعىن باعالاۋ بويىنشا جۇمىس جۇرگىزىلىپ جاتقانىن اتاپ ءوتتى.  اكتيۆتەردىڭ ساپاسى مەن كاپيتالدىڭ جەتكىلىكتىلىگىنىڭ بولجامىن قوسا العاندا، ولاردىڭ ماكرو-ينديكاتورلارعا اسەر ەتۋىنىڭ سترەسس-ستسەناريلەرى جاسالدى. «بۇدان باسقا، داعدارىستىڭ قارجىلىق تۇراقتىلىققا اسەرىن ازايتۋ بويىنشا شارالار ازىرلەنۋدە، ولار ەكونوميكاداعى جاعداي دامىپ، ۇزاق مەرزىمدى پەرسپەكتيۆادا بانكتەردىڭ قارجىلىق تۇراقتىلىعىن قولداۋعا باعىتتالعان»، دەپ قورىتىندىلادى قارجى نارىعىن رەتتەۋ جانە دامىتۋ اگەنتتىگى.

 

سوڭعى جاڭالىقتار

ۇقساس جاڭالىقتار