گەرمانيا فەدەرالدىق سايلاۋ كوميسسياسىنىڭ قورىتىندىسى بويىنشا, انگەلا مەركەل باسقاراتىن «حريستيان دەموكراتيالىق وداعى» پارلامەنتتىك سايلاۋدا جەڭىسكە جەتتى. بۇل تۋرالى ريا «نوۆوستي» حابارلادى.
سايلاۋ قورىتىندىسى بويىنشا, انگەلا مەركەل وداعى 41,5 پايىز داۋىس جينادى. بۇل باتىس پەن شىعىس گەرمانيا قوسىلعالى بەرى ەڭ جوعارى كورسەتكىش بولىپ وتىر. پارتيالىق ءتىزىم بويىنشا «گەرمانيا الەۋمەتتىك دەموكراتيالىق پارتياسى» 25,7, «سولشىلدار» 8,6, ال «جاسىلدار» 8,4 پايىز داۋىس جيناعان. سونداي-اق, سايلاۋعا قاتىسقان «ەركىن دەموكراتيالىق پارتياسى» 4,8 پايىز داۋىس جيناپ, جاڭا پارلامەنتكە كىرە الماي قالدى. سەبەبى, بۋندەستاگ قۇرامىنا كىرۋ ءۇشىن سايلاۋ قورىتىندىسى بويىنشا, كەم دەگەندە 5 پايىز داۋىس جيناۋ كەرەك بولاتىن. «ەركىن دەموكراتيالىق پارتياسى» 50 جىلدان استام ۋاقىت ىشىندە بۋندەستاگ قۇرامىنا ءبىرىنشى رەت ەنبەي قالىپ وتىر.
ايدار ورىسباەۆ.
