وراز مۇساعالي ۇلى 1931 جىلدىڭ 7 مامىرىندا شىعىس قازاقستان وبلىسىنىڭ زايسان اۋدانىندا دۇنيەگە كەلدى. ول سەگىز قىرلى, ءبىر سىرلى ازامات ەدى. ۆەلوسپورت پەن دوپتى حوككەيدەن ەل بىرىنشىلىكتەرىندە دارا شىققان قانداسىمىز بوكس, جەڭىل اتلەتيكا جانە ۆولەيبولدى دا ەركىن مەڭگەردى.
دەسەك تە سپورتشى رەتىندە وراز مۇز ايدىنىندا تانىلدى. كونكيشىلەردىڭ 5 000, 10 000 مەترلىك قاشىقتىعى جانە كوپسايىستان ول قازاقستاننىڭ 12 دۇركىن چەمپيونى اتاندى. كوپتەگەن رەكوردتار قويدى. كسرو قۇراماسى ساپىندا بىرقاتار حالىقارالىق دودالارعا قاتىستى. قىتايدىڭ اشىق بىرىنشىلىگىنىڭ ەكى دۇركىن جەڭىمپازى اتاعىنا قول جەتكىزدى. كەيىننەن باپكەرلىك قىزمەت اتقاردى, سپورتتىق جۋرناليستيكاعا دەن قويدى.
«جاراتۋشى سۇيگەن ق ۇلىن ەرتە الادى» دەمەكشى, وراز قاڭلىباەۆتىڭ ءومىرى قىرشىننان قيىلدى. ول 1978 جىلدىڭ 5 شىلدەسىندە قايتىس بولدى اتاقتى كونكيشى نەبارى 47 جىل عۇمىر كەشتى...
