ەلباسى • 06 مامىر، 2021

ەلباسى قازاقستاندىقتاردى وتان قورعاۋشى كۇنىمەن قۇتتىقتادى

71 رەت كورسەتىلدى

ەلباسى قازاقستاندىقتاردى وتان قورعاۋشى كۇنىمەن قۇتتىقتادى. بۇل تۋرالى ەلباسىنىڭ ءباسپاسوز قىزمەتى حابارلادى، دەپ جازادى Egemen.kz.



قۇرمەتتى قازاقستاندىقتار!

بارشاڭىزدى وتان قورعاۋشى كۇنىمەن قۇتتىقتايمىن!

تاۋەلسىزدىك جىلدارىندا ەلىمىزدىڭ قارۋلى كۇشتەرى مەملەكەتىمىزدىڭ تۇراقتىلىعىنىڭ، اۋماقتىق تۇتاستىعى مەن اسكەري قاۋىپسىزدىگىنىڭ كەپىلى بولدى.

ءبىز ءاردايىم ارميانى دامىتۋعا، ونىڭ قورعانىس قابىلەتىن ارتتىرۋعا، اسكەريلەردى جان-جاقتى قولداۋعا باسا كوڭىل بولدىك.

سونىڭ ارقاسىندا قازاقستان اسكەرىنىڭ ساپىندا بولۋ رۋحى مىقتى ادامداردىڭ مارتەبەلى ءارى جاۋاپتى مىندەتىنە اينالدى. بۇگىندە وتان الدىنداعى بورىشتى وتەۋ مەن ادال قىزمەت ەتۋ –ابىرويلى ءىس. اسكەري فورما كيگەن ادام جاۋاپكەرشىلىگى جوعارى، ناعىز پاتريوت بولىپ سانالادى.

قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى جارلىققا قول قويعان كۇننەن باستاپ ءتيىمدى قاۋىپسىزدىك جۇيەسىن قۇرعانعا دەيىنگى ارالىقتا ەلىمىز اۋقىمدى جولدان ءوتتى.

بۇگىندە ءبىزدىڭ ەڭ باستى قۇندىلىعىمىز – تاۋەلسىزدىگىمىزدى قورعاي الاتىن قۋاتتى دا ايبىندى ارميامىز بار.

وتان قورعاۋشىلاردى جانە بارلىق قازاقستاندىقتاردى وسى مەرەكەمەن قۇتتىقتايمىن!

بارشاڭىزعا مىقتى دەنساۋلىق، تىنىشتىق پەن باق-بەرەكە تىلەيمىن!

سوڭعى جاڭالىقتار

ەسەنتاي وزەنى سۋالا باستادى

ەكولوگيا • بۇگىن، 00:11

«سارى» ءتۇتىننىڭ سالدارى

ەكولوگيا • بۇگىن، 00:04

ەينشتەينمەن ەرەگىسۋ

رۋحانيات • كەشە

ۇقساس جاڭالىقتار