وسىدان بىرەر اي بۇرىن جاتتىعۋ جۇمىستارىن باستاعان 53 جاستاعى مايك تايسونعا قازىردىڭ وزىندە ءتۇرلى ۇسىنىستار ءتۇسىپ جاتىر. ماسەلەن, اۋستراليالىق پروموۋتەر برايان اماترۋدا ءوز ەلىندەگى 10 مىڭ كورەرمەنگە ەسەپتەلگەن Melbourne Arena جانە 30 مىڭ ادامدى سىيدىرا الاتىن Princes Park ستاديوندارىندا قايىرىمدىلىق جەكپە-جەكتەر ۇيىمداستىرۋدى جوسپارلاپ وتىر. ەگەر قوس تاراپ ورتاق مامىلەگە كەلسە, وسى ساپاردان مايكتىڭ قالاتاسى قاميىپ قايتاتىنى انىق. وسى ويىن ىسكە اسىرۋ ءۇشىن اماترۋدا تايسونعا قارسىلاستاردى دا قاراستىرىپ قويعان كورىنەدى. سول سەكىلدى باسقا دا بەلدى ۇيىمدار مەن جەكەلەگەن باي-قۋاتتى ازاماتتار تاراپىنان جوعارىداعىداي بىرنەشە ۇسىنىس تۇسۋدە.
ەستەرىڭىزگە سالا كەتەيىك, 1985-2005 جىلدار ارالىعىندا شارشى الاڭدى شايقاعان مايك تايسون 20 جاسىندا الەم چەمپيونى اتانىپ, وسى اتاققا قول جەتكىزگەن ەڭ جاس بوكسشى رەتىندە تاريحتا قالدى. اسا اۋىر سالماقتا 11 جىل بويى ەشكىمگە دەس بەرمەي, قاتارىنان 46 جەكپە-جەكتە جەڭىسكە جەتتى. بارلىعى 58 مارتە رينگكە كوتەرىلگەن ول 50 رەت باسىمدىق تانىتتى. 44 قارسىلاسىن ۇرىپ جىقتى. التى رەت ۇتىلىپ, تاعى ەكى باسەكەنىڭ ناتيجەسى ەسەپكە الىنبادى.
