ەلدىك - ەلگە سىن

قايعىعا ورتاقتاستىق الماتى وبلىسى, اقسۋ اۋدانى, قىزىلاعاش اۋىلىندا بولعان قايعى­لى وقيعا تۋرالى جايسىز حابار اق­تو­بە­لىكتەردىڭ دە قابىرعا­سىن قايىس­تىرىپ, ەڭسەسىن ەزىپ كەتتى. وب­لىستا تابيعات اپاتىنا ۇشى­راعاندارعا كو­مەك قولىن سوزۋ­شى­لار قاتارى كۇن سايىن كوبەيە تۇسۋدە. سونىڭ ءبىرى – “سەمسەر-سەكيۋريتي” جشس-ءنىڭ اقتوبە فيليالى. سەرىك­تەس­تىك فيليا­لىندا ەڭبەك ەتەتىن 856 ادام اقتوبە وبلىسى اۋماعىنداعى 1051 شاقى­رىم مۇناي, 1200 شاقىرىم گاز قۇبىرىن كۇزە­تەدى. جاقىندا “كەڭ­قياق- قۇم­كول” مۇناي قۇبىرىن كۇزەتەتىن ۆاحتا­لىق توپتىڭ كەزەكتى اۋىسىمعا اتتان­عان 190 ادامى تاس­قىن­نان زارداپ شەك­­كەندەرگە ءبىر كۇن­دىك جالاقىلارىن اۋدارۋ ءجونىن­دە باستاما كوتەرگەن-ءدى. وسى­عان بايلا­نىس­تى ۇجىمدا وتكەن جيىندا “سەمسەر-سەكيۋريتي” جشس اقتوبە فيليالىنىڭ ديرەك­تورى قۋانىشبەك باقىتجان­ ۇلى  قىزىل­اعاش اۋىلىندا بولعان قاي­عى­لى وقيعانىڭ قاسىرەتىن تاعى ەسكە الىپ, قاراماعىنداعىلاردى باستاما­نى قول­داۋعا شاقىردى. جيىندا سويلەگەن مەحا­نيك ق.سا­تى­بالدين, “قاز­مۇناي­گاز” كاسىپورنى­نىڭ سۋپەر­ۆاي­زەرى ءو.احمەتوۆ, كينولوگ ا.ترەتياك, ەڭبەك ارداگەرى ق.باي­­مەنوۆ مۇنداي ىستەن ەشكىم دە سىرت قالماي­تىنىن, ءارىپ­تەستەرىنىڭ باس­­تا­ماسىن ءبىر اۋىز­دان قولدايتىن­دىق­تارىن ءبىلدىردى. سە­رىك­تەستىك فيليا­لى­نىڭ ۇجىمى وزدەرىنىڭ ءبىر كۇندىك جالاقىلارى 600 مىڭ تەڭ­گەنى تاس­قىن سۋدان زارداپ شەككەن قى­زىل­اعاش اۋىلىنىڭ تۇرعىن­دارى­نا قايى­رىمدىلىق كومەك قورىنا اۋداردى. ساتىبالدى ءساۋىرباي. اقتوبە وبلىسى. قارجىلاي قولداۋ قيىن كەزەڭدە ءبىر جەڭنەن قول, ءبىر جاعادان باس شىعارىپ ىنتىماق تانىتۋ قازاققا جات قىلىق ەمەس. جۇمىلا كوتەرگەن جۇك جەڭىل­دىگىن بەرىك ۇستانعان قىزىلوردا وبلىستىق سوت جۇيەسى سۋديالارى مەن سوت قىزمەتكەرلەرى جانە قى­زىل­وردا وبلىستىق سوتتار اكىمشى­سىنىڭ ۇجىمى الماتى وبلىسىنىڭ, اقسۋ اۋدانىنداعى “قىزىلاعاش” بوگەتىنىڭ بۇزىلۋى سالدارىنان زارداپ شەككەن اۋدان تۇرعىن­دارىنا قايىرىمدىلىق قولداۋ رەتىن­­دە وزدەرىنىڭ ءبىر كۇندىك جالا­قى­لارىن ارنايى اشىلعان ەسەپ-شوتقا اۋدارۋعا ءبىراۋىزدان كەلىسىپ, سونىڭ ناتيجەسىندە 1 262 078 تەڭگە كولەمىندەگى قارجى ارنايى قورعا اۋدارىلدى. ق. جانۇزاقوۆ, قىزىلوردا وبلىستىق سوتتار اكىمشىسىنىڭ باس مامانى. باۋىرلاستار كومەك قولىن سوزۋدا بەرەكە-بىرلىگى, ىنتىماق-تىرلىگى جاراسىپ وتىرعان قازاقستاندىقتار ءۇشىن بيىلعى ءبىر اۋىر كەزەڭ – الماتى وبلىسى, اقسۋ اۋدانى قىزىلاعاش اۋىلىنداعى تابيعات اپاتى بولدى. ونداعان ادامنىڭ ءومىرى قيىلىپ, ۇيلەرى جەرمەن-جەك­سەن بولىپ, مال-جاننان كوز جازىپ قالدى. وسىنداي سىن ساعاتتا تاۋەلسىز مەملەكەتىمىزدە ءومىر ءسۇرىپ جاتقان ۇلت وكىلدەرى ۇيىمشىلدىق تانىتىپ, ماتەريالدىق تا, مورال­دىق كومەك كورسەتكەنىنە كۋا بولىپ وتىرمىز. ءبىر اۋىلدىڭ قاسىرەتىن بۇكىل ەلدىڭ باسىنا تۇسكەن اۋىرتپالىق دەپ ءبىلىپ, ەلباسى نۇرسۇلتان نازارباەۆتىڭ زارداپ شەككەندەرگە جۇرت بولىپ جۇمىلىپ كومەك كورسەتۋ قاجەتتىگى تۋرالى ايتقان­دارىن العاشقىلاردىڭ ءبىرى بولىپ قولداعان وتانىمىزداعى رەسپۋبلي­كا­لىق  ۇيعىر مادەنيەت ورتالىعى­نىڭ وكىلدەرى دەر ەدىك. ولار العاش­قى كۇننەن-اق باۋىرلارىنا ۇندەۋ تاستاپ, ءتۇبى ءبىر تۇركى جۇرتىنىڭ ۇلانى ەكەنىن تانىتىپ, كومەك كورسەتۋ ماسە­لەسىن كوتەردى. كوپتىڭ اتى كوپ, قازىردىڭ وزىندە سول باستاما ءوز شەشىمىن تاۋىپ, 10 ميلليون تەڭگە­دەن ارتىق قارجىنى زارداپ شەككەن­دەرگە ارنايى اشىلعان ەسەپ-شوتقا اۋ­دا­رىپ وتىر. ولار بۇل يگى ءىستى الداعى ۋاقىتتا دا جالعاستىرا بەرەتىنىن, “ۋيعۋر اۆازي” گازەتى ارقىلى ار­نا­يى ەسەپ-شوتتارىن جاريالاپ, كوپ­تەگەن ىسكە ۇيىتقى بولۋدا. ورتا­لىققا التىن دىڭگەك بولىپ وتىرعان ازاماتتار الداعى ۋاقىتتا مۇنداي جۇمىستى بۇكىل تۇركى الەمى­نىڭ باستاۋ باسى بولىپ سانالا­تىن شىعىس وڭىردەگى قانداس­تارى­مىزعا دا قارجىلاي كومەك­تە­سە­تىن­دىكتەرىن ايتىپ وتىر. جاق­سى­لىق بولىسسە كوبەيەدى, قاسىرەت بولىسسە ازايادى دەگەن وسى بولسا كەرەك. “ەگەمەن-اقپارات”. قالىس قالمادىق ەلىمىزدەگى توسىن وقيعالارعا سەرگەك قارايتىن ءبىزدىڭ ۇجىم مۇشەلەرى دە قابىرعاسىنا الماتى, شىعىس قازاقستان وبلىستارىن­داعى سۋ تاسقىنىنىڭ زاردابى قاتتى باتۋدا. اپات سالدارىن جەڭىلدەتۋ ءۇشىن قولدان كەلگەنشە كومەك كورسەتۋگە جۇمىلعان ءوڭىرىمىز جۇرتى سياقتى وتانىمىز قاۋىپسىز­دىگىن قورعاۋشى قىزمەتكەرلەر دە قيىن­شى­لىققا ۇشىراعان اعايىن­دارعا قولداۋ جاساۋدى ءبىراۋىزدان ۇيعاردى. ولار ءبىر كۇندىك ەڭبەك­اقى­لارىن قىزىلاعاش اۋىلى تۇرعىندارىنا كومەك قورىنا اۋداردى. قايىرىمدىلىق شاراسىنىڭ باسقا دا جولدارى قولدانىلادى. حارسات وماروۆ, ۇلتتىق قاۋىپسىزدىك كوميتەتى قاراعاندى وبلىسى بويىنشا دەپارتامەنتىنىڭ قىزمەتكەرى.