بيىلعى جۇمىستى ماماندار ناۋرىزباي مەن بوستاندىق اۋدانىنان باستادى. ەڭ الدىمەن ىندەردى انىقتاپ, قاقپان ورناتۋ بويىنشا دايىندىق جۇمىستارى جۇرگىزىلگەن. دەراتيزاتسيالىق شارۋاعا 64 ماماننان تۇراتىن 10 توپ جانە ونشاقتى تەحنيكا جۇمىلدىرىلىپتى.
– مەدەۋ اۋدانىندا 23 مىڭ جەكە ءۇي مەن 8 مىڭ اشىق الاڭ بار. سول جەرلەردى تازالاۋ كەزىندە بىلتىر قىزىل ءتۇستى ۋلى ءدارىنى پايدالانعانبىز. كەمىرگىشتەرگە قارسى ءاردايىم ءبىر ۋلاندىرعىشتى پايدالانا بەرسە, ولار ۇيرەنىپ قالادى. ال, بيىل ارپاعا ارنايى ۆانيل ءدامى مەن حوش يىستەندىرگىشتەر قوسىلعان, ساپاسى جوعارى جانە ءتيىمدى ءدارىنى قولدانپ جاتىرمىز, – دەيدى «نۇرتاڭسىق» جشس باسشىسى يگور لوبوۆيكوۆ.
الداعى ۋاقىتتا 5 اۋداندا جۇرگىزىلەتىن تازالاۋ جۇمىستارىنا 2 كۇننەن 6 كۇنگە دەيىن ۋاقىت بولىنگەن. تەك جۇمىس ناتيجيەلى بولۋى ءۇشىن ءاربىر تۇرعىن ۋلى زاتتى دۇرىس پايدالانۋى قاجەت. سونداي-اق, كەمىرگىشتەردى جويۋ ءتۇرلى اۋرۋ تارالۋىنىڭ الدىن الادى. توتەنشە جاعدايعا بايلانىستى بۇل ناۋقان بيىل 3500-گە جۋىق ساۋدا جانە وندىرىستىك نىسان مەن 500-دەن استام ءبىلىم بەرۋ جانە دەنساۋلىق ساقتاۋ نىسانىن دا قامتىماق.
