ايماقتار • 05 مامىر، 2020

تۇركىستان: دەپۋتاتتار 21 ملن تەڭگەگە گۋمانيتارلىق كومەك جونەلتتى

58 رەت كورسەتىلدى

تۇركىستان وبلىستىق جانە بارلىق اۋداندىق، قالالىق ءماسليحاتتاردىڭ دەپۋتاتتارى Nur Otan پارتياسىنىڭ ء«بىز بىرگەمىز!» اكتسياسى اياسىندا سۋ تاسقىنىنان زارداپ شەككەن ماقتاارال اۋدانىنىڭ تۇرعىندارىنا 7 بىردەي جۇك كولىگىنە تيەلگەن گۋمانيتارلىق كومەك جونەلتتى. بۇل قايىرىمدىلىق شاراسىن ۇيىمداستىرۋعا وبلىستىق ءماسليحات حاتشىسى قايرات بالابيەۆ ۇيىتقى بولعان.

وبلىس اكىمى ومىرزاق شوكەەۆ وسىنداي قىسىل-تاياڭ ۋاقىتتا ماقتاارالدىقتارعا كومەك قولىن سوزعان ازاماتتارعا العىسىن ءبىلدىردى. «اپات ايتىپ كەلمەيدى. ماقتاارال اۋدانىندا ءدال قازىرگى ۋاقىتتا قاۋىپتىڭ بەتى قايتا باستادى. ەلدىڭ سونىڭ ىشىندە دەپۋتاتتاردىڭ باستاما كوتەرىپ، حالىققا بولىسۋى كوڭىل قۋانتادى. ەڭ باستىسى – حالىققا سابىر مەن توزىمدىلىك قاجەت. الداعى ۋاقىتتا تاسقىن سۋدان كەلگەن شىعىندار تولىق ەسەپتەلىپ، جاڭا ۇيلەر بوي كوتەرىپ، جولدار جوندەلىپ قالىپتى ءومىر باستالاتىنىنا سەنىمدىمىز»، دەدى ومىرزاق ەستاي ۇلى.

رلگ

جالپى سومماسى 21 ملن تەڭگە بولاتىن گۋمانيتارلىق كومەكتە ازىق-ت ۇلىكتەن بولەك، كيىم-كەشەك، جەكە باس گيگيەناسىنا ارنالعان تاۋارلار دا جەتكىلىكتى. دەپۋتاتتار جونەلتكەن كومەك ماقتاارال اۋدانى اتاكەنت كەنتىندە ورنالاسقان ارنايى قويماعا قابىلدانادى.

 

 

تۇركىستان وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار