سۋ سپورتىنان وتە كوپ جۇلدە جيىنتىعى ساراپقا سالىناتىنىن جانكۇيەرلەر جاقسى بىلەدى. ماسەلەن, بىلتىر وڭتۇستىك كورەيانىڭ كۆاندجۋ قالاسىندا ۇيىمداستىرىلعان الەم چەمپيوناتىندا ءجۇزۋ, سۋعا سەكىرۋ, سينحروندى ءجۇزۋ, حاي-دايۆينگ, اشىق باسسەيندە ءجۇزۋ جانە ۆاتەرپولدان وتكەن سايىستاردا بارلىعى 230 مەدال تاراتىلدى.
ايتۋلى باسەكەدە ايدى اسپانعا شىعارعان قىتاي قۇراماسى جالپى كوماندالىق ەسەپتە كوش باستادى. اسپاناستى ەلىنىڭ وكىلدەرى 16 التىن, 11 كۇمىس جانە 3 قولا مەدالدى ولجالادى. ەكىنشى جانە ءۇشىنشى ورىندى اقش (15+11+10) پەن رەسەي (12+11+7) يەلەندى. سونداي-اق, اۋستراليا (7+9+7), ماجارستان (5+0+0), يتاليا (4+6+5), ۇلىبريتانيا (4+2+6), گەرمانيا (3+2+3), برازيليا (2+3+2) جانە كانادا (2+2+7) سىندى ەلدەر ۇزدىك وندىقتىڭ قاتارىنان كورىندى. وكىنىشكە قاراي, قازاقستان قۇراماسىنا بۇل بىرىنشىلىكتە بىردە-ءبىر جۇلدە بۇيىرمادى.
