وسى مەرزىم ىشىندە سايتقا قازاقستاننىڭ ءارتۇرلى ايماقتارىنان 30 000-نان استام ادام كىرگەن. وسى ۋاقىتقا دەيىن ماماندار 152 جەكە ونلاين-كەڭەس وتكىزدى.
رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعىنىڭ باس ديرەكتورى نيكولاي نەگايدىڭ ايتۋىنشا, شەكلەۋلى رەجىم كقپتەگەن ادامدارعا اۋىر ءتيدى. «وكىنىشكە وراي, كەيبىرەۋلەر ءۇشىن شەكتەۋلى كەڭىستىكتە بولۋ قيىنعا سوعۋدا. سوندىقتان كوروناۆيرۋستىق ينفەكتسيانىڭ ءورشۋ جاعدايىندا پسيحولوگيالىق كومەك كورسەتەتىن سايتقا كىرگەن ازاماتتار مامانداردىڭ كەڭەستەرىن وقىپ, پسيحولوگتار سۇراقتارىن جازۋعا, سونىمەن قاتار ونلاين-كەڭەستەر الۋعا مۇمكىندىك الدى. نەگىزىنەن, قازاقستاندىقتار ۇيقىسىزدىق, جالعىزدىقتان قورقۋ, بولاشاققا الاڭداۋ سياقتى ماسەلەلەرگە قاتىستى الاڭدايدى. وقشاۋلانۋ كەزىندە ۆيرتۋالدى بولسا دا پسيحولوگيالىق كەڭەس الۋعا مۇمكىندىك بار. سايتقا مازالاعان كەز كەلگەن سۇراققا جاۋاپ الىپ, ءوتىنىش قالدىرۋ ارقىلى پسيحولوگتىڭ نەمەسە پسيحوتەراپەۆتىڭ تەگىن ونلاين-كەڭەسىن الۋعا بولادى. كارانتيندەگى ازاماتتار, مۇگەدەكتەر, زەينەتكەرلەر, مەديتسينا قىزمەتكەرلەرى, جاسوسپىرىمدەر جانە بالالار اتا-انالارىنىڭ رۇقساتىمەن سايتتا كەڭەستەر الا الادى.
بۇل جوباعا دەنساۋلىق ساقتاۋ, ءبىلىم بەرۋ, مەملەكەتتىك, ۇكىمەتتىك ەمەس سەكتورلاردا ەلىمىزدىڭ بارلىق ايماقتارىندا جۇمىس جاسايتىن 70-تەن استام مامان قاتىسۋدا. وندا كورونوۆيرۋستىق ينفەكتسيانىڭ جەرگىلىكتى جاعدايدا بەيىمدەلۋى مەن تارالۋى كەزىندەگى پسيحولوگيالىق كومەكتىڭ ۇزدىك حالىقارالىق تاجىريبەسى جيناقتالعان.
«كوروناۆيرۋستىق پاندەميا كەزىندە, اسىرەسە قالىپتى قولداۋ مەحانيزمدەرى وزگەرگەن كەزدە, بالالاردا قوسىمشا الاڭداۋشىلىق پەن سترەسس تۋى مۇمكىن. بارلىق جاستاعى بالالار بۇل ەموتسيالارمەن ءار ءتۇرلى جولدارمەن كۇرەسەدى, جانە ولار كوبىنەسە ەرەسەك ادامداردىڭ ەموتسيالارىنا باعىنىشتى بولادى. سوندىقتان بۇل سايتتىڭ جۇمىسى ەرەسەكتەر ءۇشىن دە, بالالار ءۇشىن دە وتە ماڭىزدى. ءبىز دەنساۋلىق ساقتاۋ مينيسترلىگىنە جانە رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعىنا تۇرعىنداردى قولداۋداعى جۇمىسى ءۇشىن جانە سايتتى قۇرۋداعى ىنتىماقتاستىق ءۇشىن العىس ايتامىز», - دەپ اتاپ ءوتتى يۋنيسەف-ءتىڭ قازاقستانداعى وكىلى ارتۋر ۆان ديزەن.
