توتەنشە جاعداي جونىندەگى كەزەكتى شتاب وتىرىسىندا وبلىس اكىمى ومىرزاق شوكەەۆ حالىققا جان-جاقتى كومەك بەرىپ, تۇرعىندارعا ۇلكەن قولداۋ كورسەتۋ كەرەكتىگىن اتاپ ءوتتى. ءتيىستى سالا باسشىلارىنا بىرقاتار تاپسىرما بەردى. اتاپ ايتقاندا, ەڭ الدىمەن ەۆاكۋاتسيالىق پۋنكتتەرگە ورنالاسقان حالىققا الەۋمەتتىك كومەك كورسەتۋ جانە وتەماقى تولەۋ ءۇشىن ولاردىڭ مال سانى, جىلجىمايتىن م ۇلىك, جەكە باس قۇجاتتارىنىڭ مالىمەتتەرىن جيناقتاۋدى تاپسىردى. ەكىنشىدەن, اپاتتان زارداپ شەككەن تۇرعىنداردى ازىق-ت ۇلىك, قاجەتتى زاتتارمەن قامتاماسىز ەتۋگە كاسىپكەرلەر مەن قوعامدىق قورلاردى تارتۋدى ۇسىندى. تۇرعىن ۇيلەرگە كەلتىرىلگەن زالالدىڭ مولشەرىن ەسەپتەۋدى جۇكتەدى. كاسىپكەرلىك نىساندارعا كەلگەن زالال مولشەرىن انىقتاۋ مىندەتتەلدى. بەسىنشىدەن, زاقىم كەلگەن اۆتوموبيل جولدارى مەن تۇرعىن ءۇي-كوممۋنالدىق ينفراقۇرىلىم وبەكتىلەرىنە كەلتىرىلگەن زياننىڭ مولشەرىن ەسەپتەۋدى قولعا الۋ قاجەت. «التىنشىدان, اۋىل شارۋاشىلىعى القاپتارى مەن ءۇي جانۋارلارىنا كەلتىرىلگەن زياننىڭ مولشەرىن ەسەپتەپ, جەتىنشى تاپسىرما رەتىندە قاۋىپ ءتونىپ تۇرعان ەلدى مەكەندەردى تاسقىن سۋدان قورعاۋ ماقساتىندا بوگەت جاساۋ جۇمىستارىن جۇرگىزۋ قاجەت», دەدى ومىرزاق ەستاي ۇلى.
ايتا كەتەلىك, اپاتتان قۇتقارۋ جۇمىستارىنا جالپى سانى 986 ادام, 4 قايىق, 180 دانا تەحنيكا تارتىلعان. پوليتسيا تاراپىنان جاڭا-تۇرمىس, فيردوۋسي, ورگەباس, نۇرلىجول, ءيىرجار, ت. جايلىباەۆ اۋىلدارىندا 7 بلوك-بەكەت قۇرىلدى. سونداي-اق 3115 ءىرى قارا مال, 1101 ۇساق مال, 585 جىلقى, 34 تۇيە كەلەس اۋدانى, قىزىلاسكەر اۋىلىنا جەتكىزىلگەن. بۇدان بولەك, 1797 ءىرى قارا, 6029 ۇساق مال, 689 جىلقى, 381 تۇيە, 165 شوشقا ماقتارال اۋدانىنداعى قاۋىپسىز جەرگە شىعارىلعان. وبلىستاعى اۋدان, قالالار تۇرعىندارى ماقتاارالدا سۋ تاسقىنىنان زارداپ شەككەن اعايىنعا كومەك قولىن سوزۋدا.
تۇركىستان وبلىسى
