قاۋلى ەتەمىن:
1.«اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2020 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 12 اقپانداعى № 266 جارلىعىنا (قازاقستان رەسپۋبليكاسىنىڭ ءپۇاج-ى, 2020 ج., № 7-8, 35-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى 2020 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا زاپاسقا شىعارۋ, سونداي-اق قازاقستان رەسپۋبليكاسىنىڭ ازاماتتارىن 2020 جىلدىڭ ناۋرىز – تامىزىندا جانە قىركۇيەك – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى»;
2 جانە 3-تارماقتار مىناداي رەداكتسيادا جازىلسىن:
«2. اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ون سەگىز جاستان جيىرما جەتى جاسقا دەيىنگى ەر ازاماتتار 2020 جىلدىڭ ناۋرىز – تامىزىندا جانە قىركۇيەك – جەلتوقسانىندا قازاقستان رەسپۋبليكاسىنىڭ قارۋلى كۇشتەرىنە, قازاقستان رەسپۋبليكاسىنىڭ ىشكى ىستەر مينيسترلىگىنە, قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە, قازاقستان رەسپۋبليكاسىنىڭ مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرىلسىن.
3. جەرگىلىكتى اتقارۋشى ورگاندار ءتيىستى جەرگىلىكتى اسكەري باسقارۋ ورگاندارى ارقىلى 2020 جىلدىڭ ناۋرىز – تامىزىندا جانە قىركۇيەك – جەلتوقسانىندا ازاماتتاردى مەرزىمدى اسكەري قىزمەتكە شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن.».
2.وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 30 ءساۋىر
№ 312
