جاڭا جاعدايلار – 38. ونىڭ ىشىندە ءۇش ناۋقاس ءۇي وشاعىندا, قالعاندارى ۆيرۋس جۇقتىرعان ناۋقاسپەن بايلانىستا بولعاندار.
ۆيرۋسى جاڭادان راستالعان ادامدارمەن بايلانىستا بولعاندار انىقتالدى جانە كارانتينگە ورنالاستىرىلدى.
جۇقپالى اۋرۋلار ستاتسيونارلارىندا Covid-19 ۆيرۋسىنان بۇگىنگى كۇنى 1111 پاتسيەنت ەمدەلۋدە.
2 ادامنىڭ جاي-كۇيى وتە اۋىر, 25 ادامدا – اۋىر, 263-ىندە اۋىرلىقتىڭ ورتاشا دارەجەسىندە جانە قالعاندارىندا – قاناعاتتانارلىق.
كەشەگى كۇنى الماتىدا كوروناۆيرۋستىق ينفەكتسيادان 30 ادام جانە بۇگىن 17 ادام ساۋىعىپ ەمدەۋدەن شىعارىلدى.
مەگاپوليستە تاۋلىگىنە ەمدەۋدەن شىعارىلعاندار سانى 47 ادامدى قۇرايدى.
بۇگىن ورتالىق قالالىق كلينيكالىق اۋرۋحانانىڭ 9 مەديتسينا قىزمەتكەرى جانە ۆيرۋس جۇقتىرعان اداممەن بايلانىستا بولعان 8 ادام, كەشە ورتالىق قالالىق كلينيكالىق اۋرۋحانانىڭ 15 مەديتسينا قىزمەتكەرى, 1 سانيتارلىق دارىگەر, 2013 جىلى تۋعان 2 بالا, №17 قالالىق ەمحانانىڭ 1 مەديتسينا قىزمەتكەرى جانە ۆيرۋس جۇقتىرعان اداممەن بايلانىستا بولعان 11 ادام ەمدەۋدەن شىعارىلدى.
قازىرگى ۋاقىتتا الماتىدا جالپى 159 ناۋقاس ەمدەۋدەن شىعارىلدى.
