تۇرعىنداردىڭ كوشۋىن قامتاماسىز ەتۋ ماقساتىندا 68 اۆتوبۋس ءبولىندى. ءبىر مەزەتتە شامامەن 7-8 مىڭ ادام اتاكەنت, اسىقاتا كەنتتەرىنە تاسىمالداندى. سارقىندى سۋ مىرزاكەنت كەنتىنىڭ ىرگەسىنە جاقىنداپ قالعاندىقتان ارنايى شتاب كەلىسىمىمەن حالىقتى كوشىرۋ تۋرالى شەشىم قابىلدانعان. بارلىق ارەكەت ۇيىمداسقان تۇردە جۇرگىزىلىپ, اتاكەنتتەگى وقشاۋلاۋ ورىندارىنا جەتكىزىلگەن تۇرعىندارعا قاجەتتى كومەكتەر كورسەتىلدى. ەڭ الدىمەن وقشاۋلاۋ ورىندارىنا بارعان تۇرعىندار ەسىك الدىنداعى مەديتسينا ماماندارىنىڭ ارنايى بلوك-پوستىنا بىرتىندەپ تىركەلىپ, كوروناۆيرۋس ىندەتىن انىقتاۋ قۇرىلعىسىمەن دەنە تەمپەراتۋراسى تەكسەرىستەن وتكىزىلۋدە. سودان كەيىن عانا وقشاۋلاۋ ورىندارىنا جىبەرىلگەن. توتەنشە جاعدايعا بايلانىستى اۋداندا 18 ەۆاكۋاتسيالىق ورىندار ناقتىلانىپ, ولار اتاكەنت, ماقتارال, جامبىل ەلدى مەكەندەرىندە ازىرلەندى. اپاتتان قۇتقارۋ جۇمىستارىنا 630 ادام مەن 2 سۋ كولىگى جانە 56 تەحنيكا جۇمىلدىرىلدى. قاۋىپتى ايماقتاعى ازاماتتار مەن ءۇي جانۋارلارىن قاۋىپسىز جەرگە كوشىرۋ شارالارى ۇيىمداستىرىلدى. بۇل جۇمىستارعا كەلەس, جەتىساي, شاردارا, سارىاعاش اۋداندارىنىڭ اكىمشىلىكتەرى اتسالىسۋدا.
دەسەك تە, اۋداندا سۋ باسىپ قالۋ قاۋپى بار اۋىلدار دا ءالى دە از ەمەس. سولاردىڭ ءبىرى - جاڭااۋىل اۋىلدىق وكرۋگىنە قاراستى فەردوۋسي ەلدى مەكەنى. قازىرگى تاڭدا اۋىل ورتاسىنداعى «فەردوۋسي» جالپى ورتا مەكتەبىنىڭ اۋماعىنا سۋ كوتەرىلگەن. بۇدان بولەك, زەردەلەۋ, زەرتتەۋ جۇمىستارىنىڭ ناتيجەسىندە سۋ تاسقىنى كەزىندە جاڭا جول مەن ەڭبەكشى اۋىلدىق وكرۋگتەرىندەگى 3 ەلدى مەكەندە 1682 گەكتار اۋىل شارۋاشىلىعى داقىلدارى زارداپ شەكەنى انىقتالىپ وتىر. الدىن الا بولجامدىق ەسەپ بويىنشا 181,1 ملن تەڭگەنىڭ شىعىنى ەسەپتەلىنگەن. اتاپ ايتقاندا, 1480 گەكتار ماقتا 148 ملن تەڭگەگە, 42 گەكتار جوڭىشقا - 2,1 ملن, 150 گەكتار باقشا - 30 ملن, 10 گەكتار جۇگەرى - 1 ملن تەڭگەلىك شىعىنعا ۇشارادى دەپ بولجانۋدا. سونداي-اق, اتالعان 4 ەلدى مەكەندە 5335 مال باسى تىركەلىپ, ونىڭ ىشىندە 799 مال زارداپ شەككەن, كەلتىرىلگەن شىعىن - 249 ملن تەڭگە. ۆەتەرينارلىق 61 دارىگەر جانتاقساي, فەردوۋسي ەلدى مەكەندەرىندەگى 3686 مالدى ەۆاكۋاتسيالاۋ جۇمىستارىن تولىق اياقتادى. الايدا سۋ باسىپ قالعان ايماقتاردا قانشا مالدىڭ سۋعا كەتكەنىن انىقتاۋ ازىرگە مۇمكىن بولماي وتىر. ويتكەنى سۋ باسقان ايماققا كىرۋ مۇمكىن ەمەس. مامانداردىڭ ايتۋىنشا, بۇزىلعان قويمادان كەلىپ جاتقان قاشىرتپا سۋدىڭ كولەمى ازايماۋدا. سول سەبەپتى توتەنشە جاعداي سالاسىنىڭ ماماندارى سۋ باسقان اۋىلدارداعى سۋ دەڭگەيىنىڭ كوتەرىلگەن, كوتەرىلمەگەنىنە كوز جەتكىزۋ ءۇشىن ءتيىستى زەردەلەۋ جۇمىستارىن جۇرگىزۋگە كىرىسكەن.
ايتا كەتەلىك, كەشە تۇسكە دەيىن ماقتاارال اۋدانىندا ورىن العان جاعدايعا بايلانىستى 2243 ازامات قاۋىپسىز ايماققا كوشىرىلسە, تۇستەن كەيىن سۋ باسۋ قاۋپى باسىم بولعان نۇرلىجول مەن فەرداۋسي اۋىلدارىنان 415 ءۇيدىڭ 3200-دەن استام تۇرعىنى قاۋىپسىز ايماققا شىعارىلدى.
