ءساۋىر ايىنىڭ ورتاسىندا ەۋروكوميسسيا باسشىسى ۋرسۋلا فون دەر ليايەن مەن ەۆروكەڭەستىڭ توراعاسى شارل ميشەل ەۋروپا وداعىنىڭ COVID-19 داعدارىسىنان شىعۋ جول كارتاسى اياسىندا ۇسىندى. ال تۋريستەردىڭ «شەنگەن» ۆيزاسىن الۋى ءۇشىن قوسىمشا قۇجات – كوروناۆيرۋسقا تاپسىرىلعان تەستتىڭ تەرىس ناتيجەسى تۋرالى انىقتاما قاجەت بولۋى مۇمكىن. گرەكيادا شەكتەۋ 27 ساۋىردەن بىرتىندەپ الىنا باستادى. سەرتيفيكات العان تۋريستىك ناساندار مەن وتەلدەر جۇمىسىن 1 ماۋسىمنان باستايدى.
گەرمانيا ەو ەلدەرى اراسىنداعى شەكاراسىن جازدا اشۋ مۇمكىندىگىن تالقىلاۋدا. باسقا تۋريستەر ءۇشىن گەرمانيا شامامەن قىركۇيەك ايىنا دەيىن جابىق.
جالپى ىشكى ءونىمىنىڭ 13%-ى تۋريزمگە تيەسىلى يتاليا شەكاراسىن شەتەلدىك تۋريستەر ءۇشىن 2020 جىلدىڭ سوڭىندا عانا اشۋدى جوسپارلاپ وتىر. وسى ورايدا La Repubblica گازەتى يتاليا مادەنيەت ءمينيسترى داريو فرانچەسكينيدىڭ ء «بارىنىڭ پروبلەماسى ورتاق جانە ەلدىڭ ءبارى ساياحاتتاعىسى كەلەدى, الايدا بيىل حالىقارالىق تۋريزم ءۇشىن جول جابىق» دەگەن ءسوزىن جاريالادى.
Daily Mail-ءدىڭ جازۋىنشا, سيتسيليا ءتۋريزمدى قالپىنا كەلتىرۋ ستراتەگياسىن جاساپ جاتىر, وعان ايماق بيلىگى 50 ملن ەۋرو بولمەك. ارنايى ۆاۋچەرلەر تۋريستەرگە وتەل قۇنىنىڭ جارتىسىن تولەۋگە جانە مۋزەي, ارحەولوگيالىق قازبا جۇمىستارى جۇرگىزىلگەن جەرلەرگە تەگىن بيلەت الۋعا مۇمكىندىك بەرەدى. ۆاۋچەردى Visit Sicily سايتىنان الۋعا بولادى.
يسپانيادا قوناق ۇيلەردىڭ اشىلۋى ماۋسىم ايىنىڭ ەكىنشى جارتىسىنا جوسپارلانعان. بىراق 2020 جىلى ولار تەك ىشكى نارىققا جۇمىس ىستەيتىن بولادى. فرانتسيا كارانتيندى 11 مامىرعا دەيىن سوزدى. ەل پرەزيدەنتى ەممانيۋەل ماكرون مەملەكەت شەكاراسى قىركۇيەككە دەيىن جابىق بولاتىنىن ايتىپ جاتىر.
چەحيا بيلىگى 24 ساۋىردەن ءوز ازاماتتارىنا شەتەلگە شىعۋعا رۇقسات بەردى, الايدا كەلگەن كەزدە مىندەتتى تۇردە كارانتيندە وتىرادى. سونىمەن قاتار, 27 ساۋىردەن جوو, كىتاپحانا, حايۋاناتتار باعى جانە كەيبىر دۇكەندەر جۇمىسىن قايتا باستادى. 11 مامىردان سوو, مۋزەي مەن شاشتارازدار اشىلادى دەپ جوسپارلانعان, ال مامىر ايىنىڭ سوڭىنا قاراي مەيرامحانالار مەن قوناق ۇيلەر ءوز جۇمىسىن باستايدى.ازىرگە شەتەلدىكتەردىڭ كەلۋىنە رۇقسات جوق. ءساۋىر ايىنىڭ ورتاسىندا Prague گازەتى بۇل شەكتەۋ 2020 جىلدىڭ سوڭىنا دەيىن ءوز كۇشىندە قالادى دەپ حابارلادى.
يزرايل
يزرايل كارانتيننەن 17 ساۋىردەن كەزەڭ-كەزەڭىمەن شىعا باستادى. دۇكەندەر اشىلىپ, تۇرعىنداردىڭ كوپشىلىگى جۇمىسقا ورالدى. يزرايل تۋريزم مينيسترلىگىنىڭ دەپارتامەنتى «ينتەرفاكس-تۋريزم» پورتالىنا: «الدىمەن يزرايل ازاماتتارىنىڭ ەل ىشىندە ساياحاتتاۋىنا مۇمكىندىك اشىلادى. بۇل رەتتە ۇزاق كارانتين كەزىندە ادامداردىڭ بويى ۇيرەنگەن قورعانىش قۇرالدارى: قولعاپ, ماسكا جانە انتيسەپتيكتى ۇنەمى پايدالانۋ تالابى قويىلۋى مۇمكىن» ەكەنىن ايتىپتى.
ەگيپەت
ەگيپەتتىڭ وتەلدەرى ەلدەگى ەپيدەميولوگيالىق احۋال قالاي جاقسارادى, سولاي اشىلۋعا دايىن. الايدا كەلۋشىلەر ينفەكتسيا جوق دەگەن انىقتاما ۇسىنىپ, قوناقتار تەك وتەلدىڭ تورتتەن ءبىر بولىگىن عانا مەكەندەۋى ءتيىس. بۇل تۋرالى Sada el-Balad تەلەارناسىنا بەرگەن سۇحباتىندا قىزىل تەڭىز پروۆينتسياسىنىڭ گۋبەرناتورى ءامىر حانافي مالىمدەدى. مىسىر وتەلەرلەرى شەتەلدىكتەردى قابىلداۋ قىركۇيەك ايىندا قالپىنا كەلەدى دەپ پايىمدايدى. Kompas تۋروپەراتورىنىڭ باس ديرەكتورى اننا سولوۆەۆا مىسىر باعىتىنداعى تۋرلار ماۋسىمنىڭ سوڭىنان جاندانا باستايدى دەگەن پىكىردە.
مالديۆ ارالدارى
مالديۆ تۋريزم باسقارماسى ەلدىڭ 27 كۋرورتى تۋريست قابىلداۋدى باستاعانىن حابارلايدى, الايدا ونداعى قوناقتاردىڭ قاتارى سيرەك. قالعان كۋرورتتار رەنوۆاتسياعا جابىلعان نەمەسە قىزمەتىن توقتاتقان.
كيپر
تۋريزم ءمينيسترىنىڭ ورىنباسارى ساۆۆاس پەرديوستىڭ ايتۋىنشا, كيپر شىلدەدەن باستاپ شەتەلدىك تۋريستەردى قابىلداۋدان ءۇمىتتى. تۋريزم مينيسترلىگىنىڭ ەسەبى بويىنشا, بيىل ەلگە شامامەن 1,5 ملن شەتەلدىك كەلۋى مۇمكىن, بۇل كورسەتكىش 2019 جىلمەن سالىستىرعاندا, 60%-عا از.
قىتاي
قىتاي ناۋرىز ايىنىڭ سوڭىندا-اق ىشكى ءتۋريزمدى جانداندىرا باستادى. تۇراقتى حالىقارالىق اۋە قاتىناسىن قايتا جاڭعىرتۋ تۋرالى رەسمي اقپارات ازىرگە جوق. الايدا «Kompas» تۋروپەراتورى قىتاي باعىتىنداعى چارتەرلىك باعدارلامانى تامىز ايىنا تامان قوسۋدى جوسپارلاپ وتىر.
تايلاند
تايلاند بيلىگى كارانتيندە تۋريستىك نىساندار: وتەل, مەيرامحانا, SPA, دۇكەن مەن كولىكتى سەرتيفيكاتتاۋدى قولعا العان. تايلاند تۋريزم باسقارماسى بۇل جوبا تۋريستىك سالاعا دەگەن سەنىمدى كۇشەيتىپ, داعدارىستىڭ الەۋمەتتىك-ەكونوميكالىق سالدارىن جۇمسارتۋعا مۇمكىندىك بەرەدى دەپ تۇجىرىمدايدى. ەلدە ەڭ الدىمەن ىشكى تۋريزم ىسكە قوسىلادى. ماسەلەن, پحۋكەت 1 مامىردان اشىلادى دەپ جوسپارلانعان. Thai Lion Air جانە Thai Air Asia اۋە كومپانيالارى ىشكى رەيستەرگە وسى كۇننەن برون اشقان. تۋريزم باسقارماسىنىڭ دەرەگى بويىنشا, 2020 جىلى شەتەلدىك تۋريستەردىڭ سانى 24 ميلليونعا دەيىن تومەندەيدى.
تۇركيا
تۇركيا ىشكى ءتۋريزمدى 1 مامىردان, ال شەتەلدىك تۋريستەردى قابىلداۋدى مامىردىڭ اياعىنان قابىلداۋدان ءۇمىتتى. تۇركيا مادەنيەت جانە تۋريزم ءمينيسترى مەحمەت ەرسويدىڭ ايتۋىنشا, شەتەلدىك تۋريست اعىنىن قالپىنا كەلتىرۋ ازيا نارىعىنان باستالادى. قازاقستان, رەسەي, ۇلىبريتانيا, افريكا جانە تاياۋ شىعىس ەلدەرىنىڭ تۋريستەرى تۇركياعا شىلدە ايىنىڭ ورتاسىنان نەمەسە تامىز ايىنىڭ سوڭىنا قاراي بارا الادى. تۇركيانىڭ اۋە كومپانيالارى قازاقستانعا قاتىستى شەكتەۋ ششارالارىن بارىنشا جۇمسارتۋعا ۇمىتتەنىپ وتىر. Turkish Airlines اۋە كومپانياسىنىڭ سايتىنان الماتىدان ستامبۇلعا 16 مامىردان 373,2 دوللارعا بيلەت برونداۋعا بولادى.
قازاقستان
قازاقستاندا كارانتين 11 مامىرعا دەيىن ۇزارتىلدى, دەسە دە كارانتين رەجيمى اقىرىنداپ جەڭىلدەتىلىپ جاتىر, 1 مامىردان نۇر-سۇلتان مەن الماتى اراسىندا اۋە رەيسى اشىلادى.
ساراپشىلاردىڭ بولجامى بويىنشا, ەگەر ۇكىمەت تج رەجيمىن الىپ تاستاسا, ىشكى تۋريزم ماۋسىم ايىنان جاندانا باستايدى. تۋرفيرمالار جازدىڭ ءبىرىنشى ايىندا ساياحاتشىلار ءۇشىن بىرقاتار ۇسىنىس دايىنداپ وتىر: الاكول, بۋراباي, وعان قوسا دەمالىس كۇنگى تانىمدىق جانە ەكولوگيالىق تۋرلار. ەگەر حالىقارالىق اۋە قاتىناسى قالپىنا كەلتىرىلسە, ماۋسىم ايىنىڭ سوڭىنا قاراي قازاقستاندىق تۋريستەر شىعىس ەۋروپا ەلدەرىنە: بولگاريا, گرەكيا, چەرنوگوريا, حورۆاتيا, مۇمكىن ءتىپتى ەگيپەت مەن ءباا-گە بارا الادى.
