ايماقتار • 02 مامىر، 2020

ارشالىلىق ديقاندار القاپقا شىعۋعا دايىن

18 رەت كورسەتىلدى

بيىل ارشالى اۋدانىنىڭ ديقاندارى 186 مىڭ گەكتاردان استام القاپتا ءدان سىڭىرمەك. القاپتىڭ نەگىزگى بولىگىنە ءداندى جانە بۇرشاق داندەس داقىلدار سەبىلەدى. ال، 133 مىڭ گەكتار جەرگە  جازدىق بيداي ەگىلەدى دەپ جوسپارلانعان. 38 مىڭ گەكتاردان استام جەرگە ارپا، س ۇلى، جاسىمىق وسىرىلەدى.

اۋداندا اۋىل شارۋاشىلىعى ونىمدەرىن وندىرەتىن 227 كاسىپورىن بار. قازىرگى تاڭدا ەگىستىك القاپتاردا ىلعال جابۋ جۇمىستارى ءجۇرىپ جاتىر. بيىل «پيتكوۆسكي» شارۋا قوجالىعىندا بۇرىنعى تەحنيكادان باسقا  جاڭا ەكى «ميۋللەر» كەشەنى مەن «وميچكا» ءدان سەپكىشى بار «ك-700» القاپ باسىنا شىعادى. ولار ءبىر تاۋلىكتە شامامەن 400-450 گەكتار القاپقا ءدان سىڭىرەدى. وتكەن جىلى سەرىكتەستىك «ميۋللەر» تەحنيكاسىن «اگراتور» سەبۋ كەشەنىمەن بىرگە ساتىپ العان. تەحنيكا پاركى 90 ميلليون تەڭگەگە «قازاگروقارجى» كومپانياسىنىڭ جەڭىلدىكتەرى ارقىلى جاڭارتىلدى.

– قولدا بار تۇقىم ءبىرىنشى سۇرىپقا سايكەس كەلەدى. بيدايدىڭ ءۇش سورتىمەن بىرگە ارپا دا ەگەمىز. بىلتىر رەسەيدىڭ ەليتا، وسكەمەننىڭ امگال جانە ليۋباۆا سورتىنىڭ تۇقىمدارىن ساتىپ الدىق. 500 گەكتار القاپتى پارعا قالدىرامىز، – دەيدى  شارۋا قوجالىعىنىڭ جەتەكشىسى پەتر پيتەرسي.

مەملەكەت باسشىسىنىڭ تاپسىرماسىن ورىنداۋ ماقساتىندا ارشالى اۋدانىندا ەگىس القاپتارىن ءارتاراپتاندىرۋ جانە ونىمدىلىگى جوعارى داقىلداردى وندىرۋگە قاتىستى جۇمىستار جالعاسۋدا.

– قازىر 19 مىڭ توننادان استام تۇقىم بار. اۋىل شارۋاشىلىعى تاۋارلارىن وندىرۋشىلەردى نەسيەلەندىرۋگە كەلەتىن بولساق، «ارشالى نەسيەلىك سەرىكتەستىگى» ارقىلى كوكتەمگى  ەگىس ناۋقانىن وتكىزۋگە اۋدان بويىنشا 23 شارۋا قوجالىعى 570 ميلليون تەڭگەگە  قارجىلاندىرىلدى،–دەيدى  اۋداندىق اۋىل شارۋاشىلىعى  ءبولىمىنىڭ جەتەكشىسى راحات مۋسينوۆ.

ارشالىلىقتار 10-12 جۇمىس كۇنى ىشىندە ەگىس ناۋقانىن اياقتاۋدى جوسپارلاپ وتىر.

 

اقمولا وبلىسى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار