وتىرىس بارىسىندا ولار تۇركى كەڭەسى مەملەكەت باسشىلارىنىڭ جەدەل شۇعىل وتكەن ۆيدەو-سامميتتە قابىلداعان شەشىمدەرىنىڭ ورىندالۋ بارىسىن تالقىلادى. كەزدەسۋ بارىسىندا ولار قازىرگى داعدارىستا كولىك سالاسىن قولداۋ بويىنشا ۇلتتىق دەڭگەيدە قابىلدانعان شارالار تۋرالى اقپاراتپەن الماستى جانە ءبىزدىڭ ەلدەرىمىزدىڭ قازىرگى كەزدەگى جۇك تاسىمالىمەن كەزدەسەتىن پروبلەمالارىن شەشۋدىڭ پراكتيكالىق جولدارىن تالقىلادى.
قاتىسۋشىلار قازىرگى كەزدەگى كولىك سالاسىنىڭ ەڭ وزەكتى مىندەتى ازىق-ت ۇلىك, مەديتسينالىق ماقساتتاعى بۇيىمدار مەن جابدىقتار, سونداي-اق گۋمانيتارلىق كومەك سياقتى ومىرلىك ماڭىزدى تاۋارلارمەن قامتاماسىز ەتۋ بولىپ تابىلاتىندىعىن اتاپ ءوتتى.
جاھاندىق پاندەميانىڭ ايماق ەكونوميكاسىنا تيگىزەتىن كەرى اسەرىن ازايتۋ ماقساتىندا ترانسكاسپيلىك شىعىس-باتىس حالىقارالىق كولىك ءدالىزى ارقىلى كولىكتىك وپەراتسيالاردى جەڭىلدەتۋگە ەرەكشە نازار اۋدارىلدى. اتاپ ايتقاندا, گۋمانيتارلىق جۇكتەردى, قاجەتتى زاتتاردى, ءدارى-دارمەكتەر مەن مەديتسينالىق تەحنيكانى جەتكىزۋ, سونداي-اق تۋىنداعان ماسەلەلەر بويىنشا ۇنەمى اقپارات الماسۋ ماقساتىندا جۇك كولىكتەرىنىڭ شەكارالارى, وتكىزۋ پۋنكتتەرى ارقىلى ءوتۋىن جەڭىلدەتۋدە پراكتيكالىق كومەك كورسەتۋ تۋرالى كەلىسىمگە قول جەتكىزىلدى. كۆوتا بەرۋدە ءوزارا قولداۋدىڭ قاجەتتىلىگى, ۆيزا راسىمدەرىن جەڭىلدەتۋ جانە شەكارا سىزىقتارىمەن جۇرۋگە رۇقسات بەرۋ ءۇشىن الىمدار تۋرالى تولىق تۇسىنىك الىندى.
كەزدەسۋدىڭ ماڭىزدى ناتيجەلەرىنىڭ ءبىرى – تۇركى كەڭەسى جانىنان «كولىكتىك ۇيلەستىرۋ كوميتەتى» دەپ اتالاتىن, مۇشە ەلدەردىڭ كولىك مينيسترلەرىنىڭ ورىنباسارلارى دەڭگەيىندە كولىكتىك وپەراتسيالاردان تۋىندايتىن پروبلەمالاردى ءىس جۇزىندە شەشۋ, كولىكتىك جانە لوگيستيكانى ءتيىمدى ۇيلەستىرۋ جونىندەگى توپ قۇرۋ تۋرالى شەشىم قابىلداندى. كوميتەتتىڭ ءبىرىنشى وتىرىسى وسى جىلدىڭ مامىر ايىنىڭ ورتاسىندا وتەدى. قازىرگى جاعدايدا تاعى ءبىر ماڭىزدى شەشىم – تۇركى كەڭەسى اياسىندا مۇشە مەملەكەتتەر اراسىندا ازىق-ت ۇلىك, مەديتسينالىق, گۋمانيتارلىق تاۋارلار مەن قاجەتتى تاۋارلاردىڭ جىلدام ءترانزيتى ءۇشىن «جاسىل ءدالىز» قۇرۋ. جاڭادان قۇرىلعان «كولىكتىك ۇيلەستىرۋ كوميتەتى» بۇل مىندەتتى باسىمدىقپەن شەشەدى.
سونداي-اق «تۇركىتىلدەس مەملەكەتتەردىڭ ىنتىماقتاستىق كەڭەسىنە مۇشە مەملەكەتتەر اراسىنداعى حالىقارالىق بىرلەسكەن جۇك تاسىمالى تۋرالى كەلىسىم» جوباسى بويىنشا كەلىسسوزدەردى تەز ارادا اياقتاۋ تۋرالى شەشىم قابىلداندى.
تۇركى كەڭەسى كولىك مينيسترلەرىنىڭ كەلەسى كەزدەسۋىن وسى جازدا بۋداپەشتە وتكىزۋگە كەلىستى.
