الماتى قالاسىنداعى «جاڭا عاسىر» №175 گيمنازيا وقۋ ءىسى مەڭگەرۋشىسىنىڭ مىندەتىن اتقارۋشى سىمبات بىرىمقۇلوۆا بالا تاربيەسىندەگى وزەكتى ماسەلەلەردى قوزعاي وتىرىپ, قاشىقتان ءبىلىم بەرۋدەگى ۇستازدار تاجىريبەسىنىڭ ماڭىزدى ەكەندىگىن ايتادى. اسىرەسە, بالالاردىڭ ومىرىنە قاۋىپ توندىرەتىن توتەنشە جاعدايلاردىڭ الدىن الۋداعى ەسكەرەتىن باستى قاعيدالار نازاردا بولۋى شارت. وسى ورايدا ءورتتىڭ الدىن الۋ, ونى بولدىرماۋ تۇرعىسىنداعى قاۋىپسىزدىك قاعيداتتارىن ەسكەرۋ قوعامدىق كوكەيتەستى ماسەلە.
ء«بىلىمدى ۇرپاق – ەل بولاشاعى» دەمەكشى, بالالاردىڭ ۇزدىكسىز ءبىلىم الۋى ءۇشىن قر ءبىلىم جانە عىلىم مينيسترلىگى تاراپىنان بارلىق جاعداي جاسالىپ وتىر.ولاي بولسا, وسكەلەڭ جاس ۇرپاقتى بولشاق ەلىمىزدىڭ تۇتقاسى ەتىپ تاربيەلەۋ – ءار پەداگوگتىڭ, وقىتۋشىنىڭ, قوعامنىڭ مىندەتى. وسى مىندەتتەردى اتقارۋ بارشامىزدىڭ ازاماتتىق پارىزىمىز بولماق. وسى جاۋاپكەرشىلىكتى سەزىنە وتىرىپ, جاڭا زاماننىڭ سالماقتى جۇگىن جۇمىلا, بىرلەسە كوتەرگەن جۇكتىڭ جەڭىل بولاتىنى سياقتى ۇشتىك وداق مەكتەپ, اتا-انا (وتباسى) جانە ءبىلىم الۋشى نەگىزىندە بىرلەسكەن جۇمىسىنىڭ ناتيجەسى كورسەتەتىن بولادى.
ءبىلىم مەن تاربيە ەگىز دەمەكشى, الماتى قالاسى اۋەزوۆ اۋدانى «جاڭا عاسىر» №175 گيمنازياسىنىڭ بىلىكتى پەداگوگتارى ءبىلىم الۋشىلارعا ءبىلىم بەرۋمەن قاتار, ازاماتتىق قورعانىس, ءورت شىعۋ قاۋىپتەرىنىڭ الدىن الۋ, جول قاۋىپسىزدىك ەرەجەلەرىن دە ارقاشان جادىندا ۇستاپ جۇرۋگە ىقپال ەتىپ وتىرادى.
ءورت قاۋىپسىزدىگى ەرەجەلەرىن وقىتۋ جالپى ءبىلىم بەرۋ پروتسەسىمەن تىعىز بايلانىستا, ساباقتا دا, ساباقتان تىس جانە مەكتەپتەن تىس ءىس-شارالاردا دا ەسكەرىلۋى, اسىرەسە قازىرگى قاشىقتىقتان ءبىلىم بەرۋ نەگىزىندە وقۋشىلارىمىزدىڭ اقپاراتتىق تەحنولوگيالاردى (نوۋتبۋك, كومپيۋتەر قۇرىلعىلارى, سمارتفوندار, گادجەتتەر) ۇزدىكسىز پايدالانۋ بارىسىندا ماڭىزدى ءرول اتقارادى. ءورت قاۋىپسىزدىگىنىڭ تالاپتارىن ساقتاۋ بويىنشا بەرىك داعدىلار ۇزاق جانە جۇيەلى ءتۇسىندىرۋ جۇمىسى ارقىلى قالىپتاسادى. ءورت تاقىرىبىنداعى ساباقتار ءبىلىم الۋشىلردىڭ قوعامدىق مەنشىك قاۋىپسىزدىگى ءۇشىن جاۋاپكەرشىلىك سەزىمىن تۋدىرۋى, وتتى, ەلەكتر اسپاپتارىن, تۇرمىستىق حيميا جانە ت.ب. قۇرالداردى پايدالانۋ كەزىندە ولارعا مۇقيات بولۋىن ۇيرەتىپ وتىرادى.وسى ورايدا گيمنازيامىزدا ورتكە قارسى ءتۇسىندىرۋ جۇمىستارى ءبىلىم الۋشىلار جانە اتا-انالارىمەن اڭگىمەلەسۋدى, ءورت قاۋپى تۋرالى سۋرەت كونكۋرستارىن, تاقىرىپ اياسىنداعى شىعارمالار جيناقتارىن قامتىدى. ءورت – بۇل ادامنىڭ ءومىرى مەن دەنساۋلىعىنا, قوعام مەن مەملەكەتكە زيانىن تيگىزەتىن, قورشاعان ورتاعا ۇلكەن ماتەريالدىق زاقىم كەلتىرەتىن پروتسەسس. ءورت وقيعالارى نەگىزىنەن تۇرعىن ءۇي سەكتورلارىندا كوپ تۋىنداپ وتىرادى. ياعني, ءورت باسقا ورىندارعا قاراعاندا ازاماتتاردىڭ ۇيلەرىندە ءجيى ورىن الادى. ونىڭ سەبەپتەرى دە ءارتۇرلى. ونىڭ ىشىندە باستى 4 سەبەپتى ايتۋعا بولادى: 1. وتتى ابايسىز قولدانۋ; 2. پەشتىڭ اقاۋلىعى; 3. ەلەكتر جەلىلەرى مەن قۇرالدارىن پايدالانۋدا ءورت قاۋىپسىزدىك ەرەجەلەرىن ساقتاماۋ; 4. بالالاردى قاراۋسىز قالدىرۋ بولىپ تابىلادى.
ءورت قاۋىپسىزدىگىن قامتاماسىز ەتۋدىڭ نەگىزگى ماقساتى – ءبىلىم الۋشىلار مەن اتا-انالارىنىڭ ءومىرى مەن دەنساۋلىعىن ساقتاۋ, جانۋدىڭ العىشارتتارىن جانە ءورتتىڭ پايدا بولۋىن بولدىرماۋ. ۇستاز قولىندا ادام تاعدىرى, بولاشاق ەل تاعدىرى تۇرادى. سول سەبەپتى زامان تالابىنا ساي شىعارماشىلىقپەن جاڭاشىلدىقپەن سان قيلى تاربيە جۇمىستارىن جۇرگىزۋ - مۇعالىمنىڭ باستى مىندەتى ەكەنىن ۇمىتپاۋىمىز كەرەك. «ۇرپاعى ءبىلىمدى حالىقتىڭ بولاشاعى ب ۇلىڭعىر بولمايدى» دەي كەلە جاس ۇرپاققا ءمان-ماعىنالى, ونەگەلى تاربيە مەن ءبىلىم بەرۋ – بۇگىنگى كۇننىڭ باستى تالابى.
