– بارشاڭىزدى 1 مامىر – قازاقستان حالىقتارىنىڭ بىرلىگى مەرەكەسىمەن قۇتتىقتايمىن! ءبىر شاڭىراقتىڭ استىنداعى حالقىمىزدىڭ دوستىعى مەن ءوزارا تۇسىنىستىگى ودان ءارى جالعاسىپ, ەلىمىزدەگى ۇلتارالىق تاتۋلىق پەن ىنتىماق ءاردايىم بەرىك بولىپ, بىرلىگىمىز جاساي بەرسىن! بۇل كۇن - ءاربىر ادام ءۇشىن وتانعا دەگەن سۇيىسپەنشىلىك پەن پاتريوتتىق سەزىمنىڭ, ازاماتتىق بورىش پەن جالپى ۇلتتىق كەلىسىمنىڭ مەرەكەسى! بۇكىل الەمگە تارالعان ىندەت ءبىزدىڭ ەلىمىزگە دە وڭاي تيگەن جوق. وسىنداي باسىمىزعا تۇسكەن سىناقتان سۇرىنبەي ءوتىپ, ءبىر-بىرىمىزگە دەمەۋ بولىپ, دوستىعىمىز بەن بىرلىگىمىزدى ودان ءارى ارتتىرا تۇسەمىز دەپ سەنەمىن. بۇگىنگى كۇنى جۇقپالى ىندەتتىڭ قاۋىپتىلىگىنە قاراماستان الدىڭعى شەپتە مەديتسينا مەن پوليتسيا قىزمەتكەرلەرى جانە كولىكتىك باقىلاۋ ورگاندارىنىڭ ماماندارى ءوز ۇيلەرى مەن بالا-شاعالارىنان بۇرىن حالىقتىڭ دەنساۋلىعى مەن ەلدىڭ اماندىعى ءۇشىن كۇرەسىپ كەلەدى. وسىنداي قيىن-قىستاۋ كەزەڭدە تەمىر جول, تەڭىز جانە اۆتوموبيل كولىگىندە جولاۋشىلارعا كومەك قولىن سوزىپ, وتباسىنا ورالۋىنا جاردەمدەسۋدە. «بىرلىك بار جەردە - تىرلىك بار» دەگەن ءسوزدى دانا حالقىمىز تەگىننەن-تەگىن ايتا سالماسا كەرەك. اۋىزبىرلىك پەن تۇسىنىستىك, قاراپايىم سىيلاستىق ۇستەمدىك قۇرعان جەرلەرگە قاشاندا ناتيجەلى ىستەردىڭ بەرەكەسى بولاتىنى بەلگىلى. قازاقستان حالقى وركەن جايىپ, مەملەكەتىمىز – مولشىلىققا, ءاربىر شاڭىراق باقىت پەن شاتتىققا كەنەلسىن! سىزدەرگە باقىت, زور دەنساۋلىق, ەڭبەكتەرىڭىزگە تابىس تىلەيمىن. بەيبىت ءومىردىڭ بەرەكەسى, حالقىمىزدىڭ ىنتىماعى مەن بىرلىگى ارتا بەرسىن, – دەيدى سامات گيليموۆ.
