– بۇل مەرەكە دوستىق, تۇسىنىستىك پەن كەلىسىمنىڭ سيمۆولىنا اينالدى. ءبىزدىڭ ورتاق يگىلىگىمىز بەن سيمۆولىمىز «ارالۋاندىقتاعى بىرلىك» فورمۋلاسىندا كورسەتىلگەن ەتنوستار اراسىنداعى كەلىسىم بولىپ تابىلادى. قازاقستان حالقى اسسامبلەياسى ەلدەگى بەيبىتشىلىك پەن كەلىسىمدى دامىتۋعا, ساقتاۋعا جانە نىعايتۋعا ءوز ۇلەسىن قوسۋدى كوزدەيدى. بيىل ءبىزدىڭ رەسپۋبليكامىزداعى بىرەگەي ينستيتۋتقا 25 جىل تولىپ وتىر. قاۋىمداستىق قازاقستاننىڭ بالالار ءۇيىنىڭ بارلىق مۇقتاج تۇلەكتەرىنە بەلسەندى كومەك كورسەتۋىن جالعاستىرۋدا. بۇگىنگىدەي قيىن كەزەڭدە ەل ءۇشىن جەكە جاۋاپكەرشىلىكپەن قاتار الەۋمەتتىك ىنتىماقتاستىق ماڭىزدى. كوروناۆيرۋس ىندەتىمەن كۇرەسۋ – ازاماتتاردىڭ پاندەمياعا قارسى تۇرۋداعى بىرلىگى مەن ۇيىمشىلدىعىن كورسەتتى. سوندىقتان ەل يگىلىگى ءۇشىن جاسالىپ جاتقان قايىرىمدىلىق اكتسياسى تج بارلىق كەزەڭىندە جالعاسادى. ءبىز قازاقستاندىقتارعا شىدامدىلىق, سابىر, دەنساۋلىق جانە باقىت تىلەيمىز. ءاربىر ەتنوس ءوزىنىڭ مادەنيەتى, وزىندىك ەرەكشەلىگىمەن ەرەك. ءاربىر ەتنوس وكىلىنىڭ ءتىلى بولەك بولعانىمەن, تىلەگى ءبىر, ءتۇرى بولەك بولعانىمەن – جۇرەگى ءبىر. قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن, – دەدى قازاقستان بالالار ءۇيى تۇلەكتەرىنىڭ قاۋىمداستىعى» زتب قامقورشىلىق كەڭەسىنىڭ مۇشەسى, «نۇر وتان» پارتياسىنىڭ مۇشەسى, قازاقستان حالقى اسسامبلەياسىنىڭ مۇشەسى ۆاكيل نابيەۆ.
