«ەۋروايماق بەيبىت ۋاقىتتاعى ەكونوميكالىق قۇلدىراۋ جاعدايىندا بۇرىن-سوڭدى بولماعان جىلدامدىق پەن كۇشتىلىكتى كۇتەدى. ەوب قىزمەتكەرلەرى دايىنداعان ستسەناريلەر ەۋروايماقتىڭ ءىجو شەكتەۋلەر مەن ۇزارتقىش شارالار ۇزاقتىعىنا جانە بيزنەس ءۇشىن ەكونوميكالىق سالداردى جۇمسارتۋ ساياساتىنىڭ ساتتىلىگىنە بايلانىستى بيىل 5-12% تومەندەيدى دەپ بولجايدى» دەدى كريستين لاگارد Eوب باسقارۋشىلار كەڭەسىنىڭ وتىرىسىنان كەيىنگى ءباسپاسوز ءماسليحاتىندا.
ول كەلەسى جىلدارى ەكونوميكالىق ءوسۋدى قالپىنا كەلتىرۋ باستالۋ مۇمكىن ەكەنىن دە ەسكەرتىپ ءوتتى. يفو ەكونوميكالىق ينستيتۋتى (ميۋنحەن) 110 ەلدىڭ 1000 ساراپشىسىنىڭ ساۋالناماسى نەگىزىندە جاساعان بولجام بويىنشا, الەمدىك ءىجو كوروناۆيرۋستىق پاندەمياعا بايلانىستى 1,9% تومەندەيدى دەپ كۇتىلۋدە. ەۋروايماق ءۇشىن 5,3% تومەندەيدى دەپ بولجانۋدا. يتاليانىڭ ءىجو 7%, اقش-تا - 4,6%, جاپونيادا 3,3% تومەندەيدى. قىتاي مەن ءۇندىستان ءجىو ءوسىمىن ساقتايدى, بىراق ونىڭ ديناميكاسى سايكەسىنشە 2,3% جانە 2,5% دەيىن تومەندەيدى.
«بۇل 1989 جىلى ۇقساس ساۋالنامالار جۇرگىزىلە باستاعان ۋاقىتتان بەرى بۇرىن-سوڭدى بولماعان تومەن كورسەتكىش» دەپ اتاپ ءوتتى زەرتتەۋ جازباسىنىڭ اۆتورلارى.
