قوعام • 30 ءساۋىر، 2020

بۇۇ ارنايى بايانداماشىسىنىڭ كەيبىر پوزيتسياسىنا ءسوز تالاستىرۋعا بولادى - داۋرەن اباەۆ

16 رەت كورسەتىلدى

اقپارات جانە قوعامدىق دامۋ ءمينيسترى داۋرەن اباەۆ بۇۇ ارنايى بايانداماشىسى كلەمان نيالەتسوسسي ءۆۋلدىڭ قازاقستاننىڭ بەيبىت جينالىستارى تۋرالى زاڭ جوباسىنا جاساعان ەسكەرتپەسىنە قاتىستى پىكىر ءبىلدىردى.

«كەڭەستىڭ بىرقاتارى پارلامەنت سەناتىنىڭ قابىرعاسىندا ەسەپكە الىناتىنىنا سەنىمدىمىن. ءسوزسىز، ارنايى باياندامانىڭ ءاربىر بولىگى بويىنشا جاۋاپ بەرەمىز. ءتۇسىندىرۋ جۇمىسىن جۇرگىزەمىز. ماسەلەن، ۆۋل مىرزا ميتينگ كەزىندە ماسكا كيۋگە  قويىلعان تىيىمعا قارسى شىعىپ جاتىر. بىراق كەيبىر پوزيتسيا بويىنشا ءسوز تالاستىرۋعا دا بولادى. بۇۇ ارنايى بايانداماشىسىنىڭ ماسەلەن، اقش-قا قارسى وسىنداي سىن ايتتى ما، ايتپادى ما بىلمەيمىن. ول ەلدەگى 15 شتاتتا دا ءدال وسىنداي تىيىم بار. اۋستريادا مۇنداي ەرەجەنى بۇزعانى ءۇشىن 6 ايعا دەيىن قامايدى. يسپانيادا بەتىن جاۋىپ، جيىنعا شىققاندارعا 30 مىڭ ەۋرو ايىپپۇل سالىنادى. مۇنداي تىيىم گەرمانيا، شۆەتسيا، دانيا مەن شۆەيتساريانىڭ كەيبىر كانتونىندا دا بار»، - دەدى داۋرەن اباەۆ.

سونداي-اق ول پاندەميانى ەسەپكە الا وتىرىپ، ءارتۇرلى جاعدايدى ەسكەرۋ كەرەكتىگىن ايتتى.

«جاسوسپىرىمدەر ميتينگى ۇيىمداستىرا المايتىنى تۋرالى ەسكەرتۋ جاسالدى. گرەتا تۋنبەرگ مەكتەپتەن قالۋعا ازاماتتىق سيپات نەگىز بولا الاتىنىن بۇكىل الەمدىك قاۋىمداستىققا دالەلدەگەنىن، ارينە، تۇسىنەمىن. الايدا، ءبىز بۇل رەتتە، الىپ بارا جاتقان پروبلەمانى كورىپ تۇرعان جوقپىز. ءبىز جاسوسپىرىمدەرگە ميتينگىگە قاتىسۋعا رۇقسات بەرەمىز. سەبەبى ءبىز قاجەتتى كونفەنتسيالاردىڭ بارىنە قول قويىپ، سونىڭ اياسىندا وسىنداي قۇقىق بەرۋىمىز كەرەك. سونىمەن قاتار مەملەكەت ولاردىڭ قاۋىپسىزدىگىن دە ءوز موينىنا الادى»، - دەدى ول «اشىق ديالوگ» باعدارلاماسىندا.

ونىڭ ايتۋىنشا بۇل رەتتە مەملەكەتتىڭ ءداستۇرى دە ەسەپكە الىنۋى ءتيىس.

«جالپى ءبىز بۇل پىكىرگە ۇلكەن قىزىعۋشىلىقپەن قارايمىز. قاشان دا قاراۋعا، تالقىلاۋعا دايىنبىز. زاڭ جوباسىنىڭ حالىقارالىق قاۋىمداستىقتىڭ ءجىتى نازارىنا ءىلىنىپ وتىرعانى جاقسى»، - دەدى مينيستر.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار