مارجينالىق نەسيە مولشەرلەمەسى 0,25% دەڭگەيىندە قالدى.
بۇل شەشىمدەر كوپتەگەن ساراپشىلاردىڭ ۇمىتتەرىمەن سايكەس كەلدى.
ەوب مالىمدەمەسىندە ەۋروايماقتاعى ينفلياتسيا ورتالىق بانكتىڭ دەڭگەيىنە جەتكەنگە دەيىن ستاۆكالار اعىمداعى دەڭگەيدە نەمەسە ودان تومەن بولاتىنى ايتىلعان.
ەوب ەۋروايماق بانكتەرى ءۇشىن جاڭا ۇزاق مەرزىمدى نەسيەلەۋ باعدارلاماسىنىڭ باستالعانىن جاريالادى, ۇزاق مەرزىمدى نەسيەلىك وپەراتسيالارعا پايىزدىق مولشەرلەمەنى تومەندەتىپ, ناۋرىز ايىندا جاريالانعان پاندەمياعا قارسى توتەنشە جاعدايلاردا ساتىپ الۋ باعدارلاماسىنىڭ (PEPP) 750 ملرد ەۋرونى قۇرايتىن كولەمىن ارتتىرۋعا دايىن ەكەندىگىن مالىمدەدى.
«ەۋروپالىق ورتالىق بانك جاريالاعان پاندەمياداعى (PELTRO) ماقساتتى ەمەس ۇزاق مەرزىمدى نەسيەلەردى بانكتەرگە جەدەل تاراتۋدىڭ جاڭا باعدارلاماسى ەۋروايماقتىڭ قارجى جۇيەسىندەگى وتىمدىلىكتى ساقتاۋعا جانە اقشا نارىقتارىنىڭ ۇزدىكسىز جۇمىس ىستەۋىن قامتاماسىز ەتۋگە ارنالعان », - دەيدى ەوب.
ورتالىق بانك بۇل باعدارلامانى 2020 جىلدىڭ مامىر ايىندا ىسكە اسىرا باستايدى. «سونىمەن قاتار, بۇرىننان بار TLTRO III باعدارلاماسىنىڭ شارتتارى جەڭىلدەدى, وسى باعدارلاما بويىنشا نەسيە ستاۆكاسى دەپوزيتتىك ستاۆكادان 50 بازيستىك تارماققا (bp) تومەن بولادى», دەدى ەوب.
سونىمەن قاتار, ەۋروپالىق ورتالىق بانك «كوروناۆيرۋستىق پاندەميادان تۋىنداعان داعدارىس اياقتالدى جانە كەز-كەلگەن جاعدايدا, وسى جىلدىڭ سوڭىنا دەيىن» دەگەن قورىتىندىعا كەلگەنشە PEPP باعدارلاماسى بويىنشا وبليگاتسيالاردى وتەۋدى جالعاستىرۋعا ۋادە بەردى. «Eوب باسقارۋشى كەڭەسى نەسيە كولەمىن ۇلعايتۋعا جانە ونىڭ پارامەترلەرىن تۇزەتۋگە تولىق دايىن», - دەلىنگەن ءباسپاسوز حابارلاماسىندا.
