قازىرگى كەزدە اتالعان موبيلدىك توپ مۇشەلەرى وزدەرىنە بەكىتىلگەن اۋماقتاعى ساۋدا ورىندارى مەن كوشەلەردى ارالاپ, ولاردىڭ تازالىق جۇمىستارىنا شاھار تۇرعىندارىنىڭ قانشالىقتى بەلسەندىلىك تانىتقانىن انىقتاۋدا.
كوروناۆيرۋس ىندەتىنىڭ تارالۋىنا جول بەرمەۋ ماقساتىندا ەنگىزىلگەن توتەنشە جاعدايعا بايلانىستى تاراز قالاسىندا 1937 ساۋدا نىسانى جابىلعان. بۇگىنگى تاڭدا موبيلدىك توپ مۇشەلەرى كارانتيندىك رەجيمنەن شىعۋعا رۇقسات بەرىلەتىن نىسانداردىڭ سانيتارلىق تالاپتارعا سايكەس ەكەندىگىن دە تەكسەرۋدە. ءاربىر كاسىپكەر ءوزىنىڭ اۋماعىنا كوگالداندىرۋ جۇمىستارىن جۇرگىزىپ, دۇكەنىن سىرلاپ, ارلەپ, ارىقتارىن قوقىستاردان تازارتۋى ءتيىس. سونداي-اق, ارنايى سانيتارلىق قۇرالدارمەن جابدىقتاپ, قالالىق اكىمدىكپەن مەموراندۋمعا وتىرۋى شارت. ال, قالالىق اكىمدىكتىڭ مالىمدەۋىنشە, سانيتارلىق تالاپتار ساقتالماعان جاعدايدا موبيلدىك توپ مۇشەلەرى كاسىپكەرلىك نىساننىڭ جۇمىسىن توقتاتۋعا قۇقىلى.
جامبىل وبلىسى
