ورالعان جولاۋشىلاردىڭ ءبارى قازاقستان ازاماتتارى ەكەن. ولاردى تالدىقورعان اۋەجەيىندا ارنايى كولىك كۇتىپ الىپ, قاپشاعاي قالاسى ماڭىنداعى دەمالىس كەشەندەرىنىڭ بىرىنە تاسىمالداۋ جوسپارلانعان. جولاۋشىلاردان كوروناۆيرۋسقا قارسى اناليز الىنىپ, تولىقتاي تەكسەرۋدەن وتەدى.
- ۇشاق بورتىنداعى 168 جولاۋشى قاپشاعاي ماڭىندا وقشاۋلانادى. ولار جاتاتىن اۋماق تولىقتاي قورشالعان. جۇقپالى ىندەت بەلگىسىن انىقتاۋعا ارنالعان تەست قورتىندىسى شىققانعا دەيىن شەت ەلدەن ورالعاندارعا سىرتپەن بايلانىسۋعا تيىم سالىنادى. بارلىق ازاماتتار حاتتاماعا سايكەس 2 كۇن مىندەتتى كارانتيندە بولادى. جولاۋشىلاردىڭ ارعى جاعدايى تەست قورتىندىسىنا قاراي ايقىندالماق, - دەدى بىزگە اقپاراتقا وراي تۇسىنىكتەمە بەرگەن الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.
