تۇڭعىش پرەزيدەنت – ەلباسى ن.ءا.نازارباەۆ توراعالىق ەتەتىن قازاقستان حالقى اسسامبلەياسى ەل بىرلىگىنىڭ بىرەگەي مودەلىن قالىپتاستىرۋدا ايرىقشا ماڭىزعا يە. وسى بىرەگەي ينستيتۋتتىڭ ارقاسىندا ءبىز ەتنوسارالىق سەنىم مەن دوستىقتى نىعايتا الدىق.
قازاقستان پرەزيدەنتى ق.توقاەۆ ەل ىشىندەگى تۇراقتىلىققا ايرىقشا ءمان بەرۋدە. قازاقستان حالقىنا جولداۋىندا مەملەكەت باسشىسى كەلىسىم مەن بىرلىك, دانالىق پەن ءوزارا تۇسىنىستىك ءبىزدىڭ العا جىلجۋىمىزعا ىقپال ەتەتىنىن اتاپ ءوتتى.
ەتنومادەني بىرلەستىكتەردىڭ وكىلدەرى بەيبىتشىلىك پەن كەلىسىمدى ساقتاۋداعى قىزمەتى ءۇشىن تۇڭعىش پرەزيدەنت پەن مەملەكەت باسشىسىنا ەرەكشە العىس بىلدىرەدى.
«مەن بارشا قازاقستاندىقتاردى مەرەكەمەن قۇتتىقتاعىم كەلەدى. ءار وتباسىنا باقىت, جاقسىلىق, تاتۋلىق پەن مەملەكەتىمىزگە تۇراقتىلىق تىلەيمىن! سونداي-اق ەلباسىمىزعا بىرەگەي ينستيتۋت – قازاقستان حالقى اسسامبلەياسى ءۇشىن العىس ايتقىم كەلەدى. سونىڭ ارقاسىندا ءبىز بەيبىتشىلىك پەن كەلىسىمدە ءومىر ءسۇرىپ جاتىرمىز», – دەيدى قحا توراعاسىنىڭ ورىنباسارى, «ۆايناح» شەشەن-ينگۋش ورتالىعىنىڭ مۇشەسى يۋسۋپ كەليگوۆ.
«قحا – قر تۇڭعىش پرەزيدەنتى – ەلباسىنىڭ ءتول بالاسى. تاۋەلسىزدىكتىڭ 25 جىلى وڭاي بولعان جوق. بىراق ولار تاۋەلسىز قازاقستانداعى تۇراقتىلىقتىڭ, ۇلتارالىق كەلىسىم مەن تاتۋلىقتىڭ نەگىزىنە اينالدى», – دەيدى نۇر-سۇلتان قالاسى كارىس ەتنومادەني ورتالىعىنىڭ توراعاسى اتام حون.
ءوز كەزەگىندە «لاد» رەسپۋبليكالىق سلاۆيان قوزعالىسىنىڭ ەلوردالىق فيليالى توراعاسى نيكولاي شەپەليۋك 1 مامىر ءوز سەرىكتەستەرى ءۇشىن ەرەكشە كۇن ەكەنىن تىلگە تيەك ەتتى.
«بۇل كۇنى ءبىز ارقاشان باس قوسىپ, ءبىر-بىرىمىزگە كومەكتەسەمىز. ەلباسىعا 25 جىل بويى بىزگە كورسەتكەن قامقورلىق ءۇشىن شىن جۇرەكتەن ريزامىز. قحا-نى ارقاشان دۇرىس باعىتتا باستاپ, لايىقتى جەتەكشىلىك ەتىپ كەلەدى. ەلباسىنىڭ اشىق ءارى شىنايى ۇستانىمىنىڭ ارقاسىندا قازاقستان دامىپ, گۇلدەنۋدە», – دەيدى ن.شەپەليۋك.
ء«بىز ەلباسىعا, پرەزيدەنتكە ۇزاق عۇمىر تىلەيمىز. بولاشاقتا بەيبىتشىلىك پەن كەلىسىم ۇيىتقىسى بولۋ ءۇشىن ءبىز ارقاشان قول ۇشىن سوزۋعا دايىنبىز», – دەپ تۇيىندەيدى قازاقستانداعى ازەربايجان مادەني ورتالىقتارى وداعى باسشىسىنىڭ ورىنباسارى ورحان اليەۆ.
