بۇل قۇجاتتاردىڭ باسىم بولىگى كارانتين بارىسىندا ونلاين راسىمدەلگەن, قالعان بولىگى – حقو جابىلعانعا دەيىن. ەستەرىڭىزگە سالايىق, 26 ناۋرىزدان باستاپ بارلىق حالىققا قىزمەت كورسەتۋ ورتالىقتارىنىڭ جۇمىسى توقتاتىلعان بولاتىن.
«ازاماتتارعا ارنالعان ۇكىمەت» مەملەكەتتىك كورپوراتسياسى قازاقستاندىقتار ءۇشىن بۇدان بۇرىن ءوتىنىش بەرىلگەن, سونداي-اق ەلەكتروندى فورماتتا تاپسىرىس بەرىلگەن قىزمەتتەر بويىنشا دايىن قۇجاتتاردى الىپ كەتۋگە بولاتىن بىرىڭعاي تەرەزەنى ىسكە قوستى. بۇل ءۇشىن ءار قالا مەن اۋدانداردا ءبىر-ءبىر حقو بەلگىلەنگەن بولاتىن.
- دايىن قۇجاتتاردى كوبىنە تۇركىستان, شىعىس قازاقستان, الماتى وبلىستارىنىڭ تۇرعىندارى العان, - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى پاۆلودار وبلىستىق فيليالىنىڭ ءباسپاسوز حاتشىسى مەيرامگۇل ابراحمانوۆا. - بىرىڭعاي تەرەزەدە بەرىلگەن قۇجاتتاردىڭ دەنى – احات قۇجاتتارى, جۇرگىزۋشى كۋالىكتەرى, كولىكتىڭ تەحنيكالىق پاسپورتى مەن تىركەۋ نومىرلەرى, جىلجىمايتىن م ۇلىك پەن جەر ۋچاسكەلەرىنىڭ قۇجاتتارى, سونداي-اق جەكە كۋالىك پەن پاسپورت.
بۇل رەتتە, تج باستالعالى بەرى قازاقستاندىقتار egov.kz ەلەكتروندى ۇكىمەت پورتالى مەن eGovKzBot2.0 تەلەگرام-بوتى جانە eGovMobile قوسىمشاسى ارقىلى 10,5 ملن جۋىق قىزمەتتى ونلاين تۇردە العان. دايىن قۇجاتتاردى بەرۋ تەرەزەلەرىنىڭ جۇمىس كەستەسى: دۇيسەنبى-جۇما 9.00-دەن 17.00-گە دەيىن. سەنبى – ساعات 9.00-14.00 ارالىعى. دايىن قۇجاتتاردى بەرۋگە ارنالعان قالالىق جانە اۋداندىق بولىمدەردىڭ ءتىزىمىن مىنا جەردەن كورۋگە بولادى: gov4c.kz
