«COVID-19 اسەرى بۇكىل الەمدە سەزىلۋدە, وسى ورايدا قازاقستان ۆيرۋستىڭ تارالۋىنىڭ الدىن الۋ ءۇشىن كۇردەلى شارالار جاساۋدا», - دەدى «قازاتومونەركاسىپتىڭ" باسقارما توراعاسى عالىمجان ءپىرماتوۆ. «ازاماتتاردىڭ قوزعالىسىن شەكتەۋ مەن قاتاڭ سانيتارلىق-گيگيەنالىق ديرەكتيۆالاردى قوسا العاندا, قازاقستان ۇكىمەتى ەنگىزگەن شارالار قازىردىڭ وزىندە قازاتومونەركاسىپتىڭ جۇمىس ىستەيتىن بارلىق وڭىرلەرىن قامتىپ وتىر جانە ءبىزدىڭ بارلىق كاسىپورىندارىمىز بەن نىساندارىمىزدا قاتاڭ ساقتالۋدا. ءبىز وسى جاھاندىق پاندەميامەن كۇرەسۋگە تارتىلعان, اسىرەسە مەديتسينا قىزمەتكەرلەرىنە, قۇقىق قورعاۋ مەن بيلىك ورگاندارىنىڭ وكىلدەرىنە العىس بىلدىرەمىز», - كومپانيا باسشىسى.
«قازاتومونەركاسىپ» ءۇشىن ەڭ باستىسى قىزمەتكەرلەر مەن ولاردىڭ وتباسىلارىنىڭ, سونىمەن قاتار سەرىكتەستەر جəنە جەرگىلىكتى حالىقتىڭ اماندىعى. ەنگىزىلگەن شەكتەۋ شارالارىن ساقتاۋ جانە جەرگىلىكتى جەرلەردە جۇقتىرۋ مەن تارالۋ قاۋپىن تومەندەتۋ ماقساتىندا, ءبىزدىڭ بارلىق ەنشىلەس جانە تاۋەلدى كاسىپورىنداردا قىزمەتكەرلەردىڭ سانى مۇمكىندىگىنشە ازايتۋ كوزدەلگەن. بارلىق قوسالقى قىزمەتكەرلەر ۇيلەرىنە قايتارىلادى جانە ولاردىڭ جالاقىسى ساقتالادى. ال تىكەلەي وندىرىستە جۇمىس ىستەيتىن قىزمەتكەرلەر الەۋمەتتىك قاشىقتىق پەن گيگيەنانى قاتاڭ ساقتاۋ جاعدايىندا قىزمەتتەرىن جالعاستىرادى. قازىر ءبىز قازاقستاننىڭ بارلىق ۋران كەنىشتەرىندە وسى شەشىمنىڭ تولىق اسەرىن جانە ەگجەي-تەگجەيلى ىسكە اسىرىلۋىن باعالاۋعا قاتىستى بىرلەسكەن كاسىپورىندار بويىنشا سەرىكتەستەرىمىزبەن جۇمىس جۇرگىزۋدەمىز جانە وسىنداي قيىن كەزەڭدە ولاردىڭ قولداۋىن جوعارى باعالايمىز», - دەدى ع.ءپىرماتوۆ.
بۇل شەشىم ءۇش ايعا جالعاسادى دەپ كۇتىلۋدە. Əيتسە دە وسىنىڭ ناتيجەسىندە كەن ورىندارىن يگەرۋ تومەندەپ, بۇل ۋران ءوندىرىسىنىڭ قىسقارۋىنا اكەلەدى. وسىعان سəيكەس, 2020 جىلى قازاقستانداعى ۋران ءوندىرىسىنىڭ كولەمى 4 000 تونناعا دەيiن قىسقارتىلادى (بۇرىن 100% نەگىزىندە 22 750 - 22 800 توننا). الايدا ونىڭ وندىرىسكە ناقتى اسەرi وسى باعالاۋدان وزگەشە بولۋى مۇمكىن.
ءوندىرىس دەڭگەيىنىڭ تومەندەۋى «قازاتومونەركاسىپتىڭ» 2020 جىلعا ارنالعان ساتۋ كولەمى بويىنشا مىندەتتەمەلەرىنە قاتتى اسەرىن تيگىزبەيدى دەپ بولجانۋدا. بۇل كومپانيانىڭ اتوم ونەركاسىبىندەگى سەنىمدى جەتكىزۋشى ەكەندىگىن راستايدى.
جاڭارتىلعان ماكروەكونوميكالىق كورسەتكىشتەرگە تالداۋ جانە اقش دوللارىنا تەڭگە باعامىن تۇراقتاندىرۋ اياقتالعاننان كەيىن «قازاتومونەركəسىپ» بيىلعى 1-ءشى توقسانداعى قىزمەتتىك وپەراتسيا ناتيجەلەرىن شىعارۋ شەڭبەرىندە «اقشالاي وزىندىك قۇنى (س1)» جانە «اقشالاي وزىندىك قۇنى + كۇردەلى شىعىندار (AISC)» كورسەتكىشتەرى بويىنشا 2020 جىلعا ارنالعان جاڭارتىلعان كۇتىمدەردى 4 مامىردا ۇسىنۋدى جوسپارلاپ وتىر.
