«مەن كوپتەگەن ادامدار زەينەتاقى سالىمدارىنداعى اقشانىڭ جوق ەكەنىن بايقادىم. 2020 جىلدىڭ 1 قاڭتارىندا 6 571 948 تەڭگە بار ەدى, ال قازىر ول 3 856 346. قالعان اقشام قايدا؟ تەلەفون شالسام, جاۋاپ بەرمەيدى, مەن اقشامدى قولدان دەپ ەشكىمگە رۇحساتىمدى بەرگەن جوقپىن, ماعان تيەسىلى قارجىنى قايتارىڭىزدار».
بۇگىنگى جيىندا وسى تاقىرىپقا قايىرىلا سوققان «بجزق» اق باسشىلارى بۇگىن سالىمشىلاردىڭ ءار ءتۇرلى فورماتتاعى مالىمدەمەلەرگە تۇسىنىكتىكپەن قارايتىنىن ايتتى, جانە ونىڭ سەبەبىن ءتۇسىندىرىپ بەردى.
«حقكو-دا, egov.kz پورتالىنان زەينەتاقى جارنالارى تۋرالى انىقتاما الۋعا بولادى. سالىمشىلاردىڭ تۇسىنبەستىگىن تۋدىرعان فاكتور وسى» دەيدى بجزق ءباسپاسوز قىزمەتى.
ناۋرىزدا ۇلتتىق ۆاليۋتانىڭ قۇنسىزدانۋىنا بايلانىستى زەينەتاقى جيناقتارى بويىنشا ينۆەستيتسيالىق كىرىس 541,9 ملرد تەڭگەنى قۇرادى.
ءساۋىر ايىنىڭ ءبىرىنشى جارتىسىندا تەڭگە نىعايدى جانە بجزق ۆاليۋتالىق پورتفەلى 179,7 ملرد تەڭگە تەرىس كىرىستى كورسەتتى.
جيناقتاۋشى زەينەتاقى قورلارىنىڭ ينۆەستيتسيالىق كىرىسى ەكى نەگىزگى فاكتورعا بايلانىستى: باعالى قاعازداردىڭ نارىقتىق قۇنى جانە تەڭگەنىڭ ايىرباس باعامى. بجزق قاراجاتىنىڭ كوپ بولىگى تەڭگەمەن كورسەتىلگەن قۇرالدارعا سالىنعان (بجزق پورتفەلىنىڭ جالپى كولەمىنىڭ 2/3 بولىگى), قالعانى شەتەلدىك ۆاليۋتاداعى اكتسيالار مەن وبليگاتسيالارعا (پورتفەلدىڭ 1/3) بولىگى.
«ناۋرىزدا دوللار ءبىر دوللار ءۇشىن 381-دەن 448 تەڭگەگە دەيىن نىعايدى. بۇل زەينەتاقى اكتيۆتەرىنىڭ 541,9 ملرد تەڭگەگە ءوسۋىن قامتاماسىز ەتتى. ءساۋىردىڭ ءبىرىنشى جارتىسىندا, كەرىسىنشە, ۇلتتىق ۆاليۋتا ءبىر دوللار ءۇشىن 448 تەڭگەدەن 425 تەڭگەگە دەيىن نىعايدى, بۇل زەينەتاقى اكتيۆتەرىن 179,7 ميلليارد تەڭگە مولشەرىندە تەرىس ۆاليۋتالىق قايتا باعالاۋعا اكەلدى. بىراق ءساۋىردىڭ ەكىنشى جارتىسىندا تازا ينۆەستيتسيالىق تابىس قايتادان 63,4 ملرد تەڭگەگە ءوستى », - دەدى بجزق باسقارما توراعاسى جانات قۇرمانوۆ.
وسىلايشا, جىل باسىنان 27 ساۋىرگە دەيىن ينۆەستيتسيالىق كىرىس 587,16 ملرد تەڭگەنى قۇرادى.
بجزق باسشىسى حالىقارالىق پراكتيكادا زەينەتاقى جيناقتارى بويىنشا كىرىستەردى كەم دەگەندە ءبىر جىلعا باعالاۋ قالىپتى جاعداي ەكەنىن ايتتى. ويتكەنى بۇل اكتيۆتەر ۇزاق مەرزىمدى مەرزىمگە سالىنعان.
«ينۆەستورلار ناۋرىز-ءساۋىر ايلارىنداعى ينۆەستيتسيالىق كىرىستىڭ اۋىتقۋى تۋرالى الاڭداماۋى كەرەك. سوڭعى 12 ايدا جيناقتالعان كىرىستىلىك 11,87% قۇرادى, ينفلياتسيا 6,4%. وسىلايشا, كىرىستىلىك ينفلياتسيادان 5,5% استى, بۇل تازا كىرىس», دەدى قۇرمانوۆ.
2013 جىلدىڭ قىركۇيەگىنەن باستاپ (قازاقستاندىق زەينەتاقى جيناقتارى بجزق باسقارۋىمەن بولعان كەزدە) ينۆەستيتسيالىق كىرىس 30% -دان استى.
بۇعان دەيىن قازاقستاندىقتاردىڭ جيناقتالعان قاراجاتىنىڭ ءبىر بولىگى سىرتقى باسقارۋشىلارعا بەرىلگەنى تۋرالى حابارلانعان بولاتىن. وسىعان بايلانىستى ونلاين جيىنعا قاتىسقان «ەگەمەن قازاقستان» گازەتىنىڭ ءتىلشىسىنىڭ «ۇلتتىق بانك بجزق-نىڭ ينۆەستيتسيالىق تابىستىلىق تۇراقتىلىعىن قالاي قامتاماسىز ەتىپ وتىر؟» دەگەن سۇراعىنا تومەندەگىدەي جاۋاپ الدىق.
قازىرگى ۋاقىتتا ۇلتتىق بانك بىرنەشە الەمدىك كومپانيالارمەن جۇمىس جۇرگىزۋدە. جالپى العاندا, ولار 1,6 ترلن دوللاردان استام قارجىنى باسقارادى. بۇدان باسقا, ۇلتتىق بانك ينۆەستيتسيالىق كەلىسىمدەردى كەلىسۋ جانە قول قويۋ ءۇشىن جۇمىس ىستەيتىن تاعى التى شەتەلدىك باسقارۋشى كومپانيانى تاڭدادى» دەيدى ج. قۇرمانوۆ.
سونىمەن قاتار ولار enpf.kz ۆەب-سايتىندا نەمەسە بجزق ءموبيلدى قوسىمشاسىندا زەينەتاقى شوتىنان انىقتاما العان كەزدە سالىمشىلار زەينەتاقى جيناقتارىنىڭ جاي-كۇيى تۋرالى: كىرىس سالىمدار مەن ينۆەستيتسيالىق كىرىستەر تۋرالى تولىق اقپاراتپەن تانىسا الاتىنىن دا ەسكەرتىپ ءوتتى.
ء«سىزدىڭ زەينەتاقى جيناقتارىڭىز - بۇل ءسىزدىڭ مەنشىگىڭىز. مەملەكەت الۋشىنىڭ زەينەتاقى تولەمدەرىن الۋ قۇقىعىن العان كەزدەگى ينفلياتسيا دەڭگەيىن ەسكەرە وتىرىپ, ناقتى سالىمدار كولەمىندەگى مىندەتتى زەينەتاقى جارنالارىنىڭ ساقتالۋىنا كەپىلدىك بەرەدى», دەلىنگەن حابارلامادا.
ەستەرىڭىزگە سالا كەتەيىك, بۇدان بۇرىن زەينەتاقى قورىندا ينۆەستيتسيالارمەن قالاي جۇمىس ىستەۋ كەرەكتىگى تۇسىندىرىلگەن بولاتىن.
بجزق ينۆەستيتسيالىق كىرىستەر سالىمشىلاردىڭ شوتىنا كۇن سايىن تۇسەتىنىن حابارلادى, بۇل جيناقتالعان زەينەتاقى قاراجاتىنىڭ جالپى مولشەرى بىردەي جيىلىكتە وزگەرەتىنىن بىلدىرەدى.
«وسىلايشا, تەرىس ينۆەستيتسيالىق كىرىس بولعاندا, جيناقتالعان زەينەتاقى قاراجاتىنىڭ مولشەرى – ازايادى, وڭ ينۆەستيتسيالار بولعان كەزدە – كوبەيەدى. جىل باسىنان بەرى ينۆەستيتسيالىق قىزمەتتىڭ ناتيجەلەرى وڭ ديناميكانى كورسەتىپ وتىر. سالىمشىلاردىڭ شوتتارىنا 661,7 ملرد. تەڭگەدەن استام ينۆەستيتسيالىق كىرىس اۋدارىلدى» دەيدى ءباسپاسوز بجزق قىزمەتى.
2020 جىلدىڭ ناۋرىز ايىنىڭ سوڭىن ەسەپتەگەندە ۇلتتىق بانككە سەنىپ باسقارىلاتىن بجزق زەينەتاقى اكتيۆىنىڭ مولشەرى 11,7 ترلن تەڭگەنى قۇرادى. بۇل سوما ءبىر جىل بۇرىنعى كورسەتكىشتەن (9,6 ترلن تەڭگە) 2,1 ترلن تەڭگەگە نەمەسە 21 پايىزعا ارتىق, دەپ حابارلايدى ranking.kz.
وسى جىلدىڭ ناۋرىز ايىنىڭ سوڭىندا جارنانىڭ بارلىق ءتۇرى بويىنشا جەكە زەينەتاقى شوتتارىنىڭ (جزش) جالپى سانى 2,7 پايىزعا ۇلعايىپ, 10,7 ميلليونعا جەتتى. جزش-لاردىڭ باسىم بولىگىن بۇرىنعىشا مىندەتتى زەينەتاقى جارنالارى (10,1 ملن) قۇرايدى. ال مىندەتتى كاسىبي زەينەتاقى جارنالارى بويىنشا شوتتاردىڭ سانى 514,8 مىڭعا جەتكەن. ءوز ەركىمەن زەينەتاقى جارناسىن اۋدارىپ, شوت اشىپ جاتقانداردىڭ دا سانى كوبەيىپ كەلەدى. ءبىر جىلدىڭ ىشىندە بۇل ساناتتا 55,4 مىڭ شوت (11,6 پايىزعا كوبەيگەن) اشىلعان. زەينەتاقى اكتيۆتەرىنىڭ كىرىسىن ساقتاپ, ارتتىرىپ وتىرۋ ءۇشىن ينۆەستيتسيالىق پورتفەلدى ديۆەرسيفيكاتسيالاۋ بويىنشا جۇمىس تۇراقتى نەگىزدە جۇرگىزىلىپ كەلەدى. ماسەلەن بجزق-نىڭ زەينەتاقى اكتيۆى پورتفەلىنىڭ باسىم ۇلەسىن بۇرىنعىداي ينۆەستيتسيالاۋدىڭ تۇراقتى ءارى كىرىسى مول قۇرالى سانالاتىن قر مەملەكەتتىك قۇندى قاعازدارىنا سالىنعان. (42 پايىزى نەمەسە 4,9 ترلن تەڭگە) قۇرايدى.
بۇعان قوسا 2015 جىلى ولاردىڭ ۇلەسى 46 پايىزعا تەڭ بولعان ەدى. سونىمەن قاتار 2015 جىلدىڭ مامىر ايىنىڭ سوڭىندا قازاقستاننىڭ ۇيىمدارىنداعى قۇندى قاعازداردىڭ زەينەتاقى اكتيۆى پورتفەلىندەگى ۇلەسى 31,3 پايىزعا تەڭ بولسا, وسى جىلدىڭ مامىر ايىنىڭ سوڭىندا بۇل ۇلەس 27,2 پايىزدى كورسەتتى. 2019 جىلدىڭ قاراشا ايىندا زەينەتاقى اكتيۆتەرىن باسقارۋدىڭ تيىمدىلىگىن ارتتىرۋعا باعىتتالعان جۇمىستار اياسىندا زەينەتاقى اكتيۆى پورتفەلىندەگى ۆاليۋتانىڭ ءبىر بولىگىن شەتەلدىك باسقارۋشى كومپانيالارعا كەزەڭ-كەزەڭىمەن بەرۋ پروتسەسى باستالعان ەدى. جالپى پورتفەلدى سىرتقى باسقارۋعا بەرۋ بويىنشا ءتورت حالىقارالىق كومپانيا تاڭدالىپ الىنعان بولاتىن. وسىنىڭ ناتيجەسىندە 2019 جىلدىڭ ناۋرىز ايىندا سىرتقى باسقارۋداعى اكتيۆتەر ۇلەسى بجزق- ينۆەستيتسيالىق پورتفەلىنىڭ 1 پايىزىن قۇراسا, 2020 جىلى بۇل كورسەتكىش 3,3 پايىزعا نەمەسە 385,3 ملرد تەڭگەگە تەڭەستى.
