وسىعان بايلانىستى اۋىل شارۋاشىلىعى مينيسترلىگى جۇمىرتقا وندىرۋشىلەردى قولداۋدى جانە ءونىمنىڭ بىرلىگىنە سۋبسيديالاۋ نورماسىن 3 تەن 1,5 تەڭگەگە دەيىن تومەندەتە وتىرىپ, «ازىق-ت ۇلىك جۇمىرتقاسىن ءوندىرۋدى سۋبسيديالاۋ» باعىتىن ساقتاۋدى ۇسىندى. اۋىل شارۋاشىلىعى مينيسترلىگىنىڭ ءباسپاسوز قىزمەتى تاراتقان حابارلامادا قۇس وسىرۋشىلەردى قولداۋ جانە سايكەسىنشە جۇمىرتقانىڭ وزىندىك قۇنىن تومەندەتۋگە قر ۇكىمەتى 5 ملرد تەڭگە ءبولۋدى جوسپارلاپ وتىرعانى ايتىلعان. سونىمەن قاتار, ۇكىمەت جۇمىرتقا وندىرۋشىلەرگە «قاراپايىم زاتتار ەكونوميكاسى» باعدارلاماسى ارقىلى اينالىم قاراجاتىن تولىقتىرۋ ءۇشىن جەڭىلدەتىلگەن قارجى الۋ مۇمكىندىگىن بەردى. بۇل قۇس فابريكالارى قيىن كەزەڭدە ءوزىن جەممەن قامتاماسىز ەتە الۋى ءۇشىن جاسالدى.
سونىمەن قاتار, اۋىل شارۋاشىلىعى تاۋار وندىرۋشىلەرىنە اسىل تۇقىمدى قۇس ساتىپ الۋعا سۋبسيديا تۇرىندە جانە ەكسپورتتىق ءونىمدى تاسىمالداۋ شىعىندارىنا قوسىمشا قولداۋ كورسەتىلەدى. ەستەرىڭىزگە سالساق, قازاقستاندا جۇمىرتقا وندىرەتىنىن 31 قۇس فابريكاسى بار. بولجام بويىنشا ولار جىلىنا 5,5 ملرد جۇمىرتقا وندىرەدى. سونىمەن بىرگە, وتاندىق ءوندىرىس قازاقستاندىق نارىقتىڭ 100%-دان استام قاجەتتىلىگىن قامتاماسىز ەتەدى. دەمەك, قۇس فابريكالارىنىڭ ارتىق ءونىمدى شەتەلگە ساتۋ مۇمكىندىگى بار. 2019 جىلى رەسپۋبليكانىڭ قۇس فابريكالارى 527 ملن دانا جۇمىرتقانى ەكسپورتتادى. 2020 جىلعى قاڭتار-اقپان ايلارىندا ەكسپورت كولەمى - 1542 توننا (30,8 ملن دانا).
