قازىرگى تاڭدا 42500.enbek.kz پورتالى 42500 تەڭگەلىك تولەمدى الۋعا ءوتىنىم بەرۋدىڭ ءىرى ارناسى بولىپ تابىلادى. سايت ارقىلى قازاقستان تۇرعىندارىنان ەڭبەك جانە حالىقتى الەۋمەتتىك قورعاۋ مينيسترلىگىنە (ەحاقم) جالپى سانى سەگىز ميلليونعا جۋىق ءوتىنىم جولداندى, دەلىنگەن dknews.kz تاراتقان مالىمەتتە.
2020 جىلدىڭ 11 ساۋىرىندە 42500.enbek.kz ارقىلى ءوتىنىم بەرىپ قانا قويماي, ونىڭ ستاتۋسىن دا تەكسەرۋگە بولاتىنى حابارلانعان سوڭ, سايت پايدالانۋشىلاردىڭ تولاسسىز اعىمىنا بايلانىستى تەحنيكالىق اۋىر جۇكتەمەگە كەزىكتى. وسىلايشا, جالپى العاندا, ءوتىنىمنىڭ ورىندالۋ دارەجەسىن ءبىلۋ مۇمكىندىگى 35 ميلليوننان استام رەت پايدالانىلدى.
ەحاقم سايتىنىڭ جۇكتەمەسىن ازايتۋ ءۇشىن, ءوز قولدانبالارىندا نەمەسە سايتىندا 42500 تەڭگەنى الۋعا بەرىلگەن ءوتىنىم ستاتۋسىن تەكسەرۋ سەرۆيسىن قولعا العىسى كەلەتىن سىرتقى ازىرلەۋشىلەردىڭ جاريا قولجەتىمدىلىك نۇكتەسى ازىرلەندى. وسىدان سوڭ ءوتىنىم بەرۋشىلەرگە وتىنىمدەرىنىڭ ستاتۋسىن تەكسەرۋ مۇمكىندىگىن egov.kz-تەگى جەكە كابينەت ارقىلى ەلەكتروندىق ۇكىمەت پورتالى ۇسىندى.
وتاندىق Aitu قولدانباسىنىڭ ازىرلەۋشىلەرى دە ىنتا ءبىلدىرىپ, @Enbek42500Service بوتىن ازىرلەدى.
