وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتىنىڭ حابارلاۋىنشا, جىلىوي اۋدانىنىڭ ورتالىعى – قۇلسارى قالاسىنىڭ تۇرعىنى ءۇش كۇن بويى بايلانىسقا شىعا الماعان. ونىڭ تۋىستارى 29 ساۋىردە ءتيىستى ورگاندارعا حابار بەرىپتى.
حابارسىز كەتكەن تۇرعىندى ىزدەۋگە اۋداندىق توتەنشە جاعداي جونىندەگى ءبولىمنىڭ بەس قىزمەتكەرى مەن ءبىر پوليتسيا قىزمەتكەرى جول تالعامايتىن «ترەكول» كولىگىمەن شىقتى. قۇتقارۋشىلار سول كۇنى قۇلسارى قالاسىنان شامامەن 120 شاقىرىم جەردەن, كاسپي تەڭىزىنىڭ جاعالاۋىنان «نيۆا» كولىگىن تاپتى.
ءۇش كۇننەن كەيىن تابىلعان جوق ىزدەۋشى كولىگىمەن بىرگە قۇلسارى قالاسىنا جەتكىزىلدى. جاپان دالادا تۇنەسە دە ءدىن امان تۇرعىن مەديتسينالىق كومەككە جۇگىنۋدەن باس تارتىپ وتىر.
