بالاباقشا تاربيەشىسى گۇلميرا كاكەنقىزى بەتپەردەلەر تىگىپ, زەينەتكەرلەرگە تاراتىپ, قاريالارعا قامقورلىق جاساسا, مەكتەپكە دايارلىق توپتارىنىڭ تاربيەشىلەرى گۇلبارشىن كازيزوۆنا, باقىتگۇل الدابەرگەنقىزى, گۇلميرا كاكەنوۆنا, ءونىمحان نۇرگۇلسىن, ءمولدىر سۇيىكتى شاكىرتتەرىن بالاباقشا باعدارلاماسىنان قالدىرماي ۋاقىتىلى مەكتەپكە دايىنداۋ ءۇشىن زامان تالابىنا ىلەسىپ وتىرىپ, بالالارعا بەينەبايلانىس ارقىلى تاپسىرمالار دايىنداپ, قاشىقتىقتان وقىتۋدى جالعاستىرىپ كەتتى.
قاشىقتان وقىتۋ بارىسىندا بالالارمەن بىرگە اتا-انالارعا دا سالماق تۇسكەنى بەلگىلى. اتا-انا بالا مەن ۇستاز اراسىنداعى التىن كوپىرگە اينالدى. ىندەتتى جەڭۋدىڭ ءبىر جولى تازالىق بولسا, اتا-انالار بالالاردىڭ قول جۋدىڭ ءتۇرلى ۆيدەولارىن ءتۇرلى جەلىلەر ارقىلى تاراتىپ دوستارىن تازالىقتى ساقتاۋعا شاقىردى. ىندەتتى جەڭۋدىڭ تاعى ءبىر جولى وقشاۋلانۋ بولسا, وقشاۋلانۋدى ءتيىمدى وتكىزۋدىڭ ءبىر ءتۇرى رەتىندە سپورتپەن شۇعىلدانۋ كەرەكتىگىن اتا-انالاردىڭ جەلىلەردەگى ۆيدەولارىنان بايقاۋعا بولادى. بالاباقشانىڭ ينديرا شۇلەمباەۆا, باقىتگۇل ماۋتەنوۆا, گۇلنارا تۇرسىنباەۆا, ەلميرا كولونتاەۆا سىندى پەداگوگتارى وقشاۋلانۋ كەزىندە بوس ۋاقىتتارىن ءتيىمدى پايدالانىپ, ءتۇرلى ونلاين بايقاۋلارىنا قاتىسىپ, كاسىبي شىعارماشىلىقتارىن شىڭدادى.
بالاباقشانىڭ مەكتەپ الدى دايارلىق توبىنىڭ تاربيەشىسى گاليا جاراسقىزى ءوز شىعارماشىلىعىنان تۋعان ولەڭ شۋماقتارىن شاكىرتتەرىنە جاتتاتىپ, ۆيدەو روليكتەر ارقىلى جولداپ, دارىگەرلەرگە قۇرمەت كورسەتتى.
عاجاپ ماماندىق
وسى تاڭدا ارقالاعان زامان جۇگىن,
سىزدەرگە باس يەدى عالام بۇگىن.
تىلەيتىن بار ادامنىڭ اماندىعىن,
عاجاپ قوي دارىگەر ماماندىعىڭ.
سوعىس جىلدار تاڭىپ ءجۇردىڭ جارالاردى,
ەڭبەگىڭ قاي كەزدە دە باعالاندى.
ەمدەيسىڭ ۇلكەندەردى, بالالاردى,
امان الىپ قالايىقشى قالالاردى.
قيىن ساتتە وتباسىنان جىراقتادىڭ,
جەڭىمپازى بولىڭدار سىناقتاردىڭ.
دارىگەر
قاتەرگە ءوز باستارىن تىگە بىلگەن,
قينالسا دا جىميىپ كۇلە بىلگەن.
كۇش-قۋات تابىلادى بىلەگىڭنەن,
مەيىرىم شۋاق شاشىپ جۇرەگىڭنەن.
تارتىپكە باعىنامىز
ەلىمىزدە مىنا ىندەت باستالدى,
ۇيدە بول دەپ بىزگە ۇندەۋ تاستالدى.
تارتىپكە ءبىز اركەزدە باعىنامىز,
وتباسىنان بارشامىز تابىلامىز,
باقشامىزدى ارينە ساعىنامىز.
تازالىقتى مۇقيات ءبىز ساقتايمىز,
ەل ءۇمىتىن بارىمىزدە اقتايمىز.
ۇيدە ەندى تەككە قاراپ جاتپايمىز
تاقپاق پەنەن ولەڭدەردى جاتتايمىز.
كورۋ ءۇشىن تابيعاتتىڭ سۇلۋلىعىن تاماشالاپ, تامسانىپ,
كورۋ ءۇشىن باۋ باقشادا بار قۇستاردىڭ سايراعانىن ءان سالىپ.
كورۋ ءۇشىن انا بالا قول ۇستاسىپ باقىتتى بوپ جۇرگەنىن,
سابىرلى بول ۇيدەن شىقپا مەن دە داعى ۇيدەمىن!- دەپ ولەڭ چەلەندجىن باستاعان بالاباقشا تاربيەشىلەرى ىندەنتتى بىرلەسە جەڭۋگە شاقىرادى, دەيدى №168 بوبەكجاي-بالاباقشا ادىسكەرى گ.تۇرسىنباەۆا.
