بۇل تۋرالى وبلىس اكىمىنىڭ ورىنباسارى ساكەن قالقامانوۆ ونلاين-كونفەرەنتسيادا مالىمدەدى. سونداي-اق تۇرمىستىق جوندەۋ ورتالىقتارى جەتكىزۋ قىزمەتىن كورسەتەتىن بولادى. اۆتوجۋ, دوڭگەلەك اۋىستىرۋ, ماي اۋىستىرۋ ورتالىقتارى, توكارلىق, دانەكەرلەۋ, جيھاز تسەحتارى, اتەلە, كيىم مەن اياق كيىمدى جوندەۋ, كاسىپورىندار, قۇرىلىس بازارلارى مەن دۇكەندەرى دە ءوز جۇمىسىن باستايدى. ال ەكىنشى دەڭگەيلى بانكتەر, «قازپوچتا» بولىمشەلەرى مەن كوكتەمگى ەگىن ەگۋ جۇمىسى ءۇشىن نەسيە بەرەتىن ميكروقارجى ۇيىمدارى, لومباردتار جانە ايىرباستاۋ پۋنكتتەرى قىزمەتىنە كىرىسسە, اسحانالار مەن تاماقتانۋ ورىندارى 8.00-22.00 ارالىعىندا تاماقتى ونلاين تاپسىرىس ارقىلى دايارلاپ, جەتكىزۋ قىزمەتىن اتقارادى.
ازىق-ت ۇلىك ساتاتىن كوتەرمە ساۋدا ورىندارى مەن دۇكەندەر, دەزينفەكتسيالىق رەجىمدى ساقتاي وتىرىپ جۇمىس ىستەيدى, ءدارىحانا, قوناقۇيلەر, نوتاريۋستار, ادۆوكات كەڭسەلەرى دە قىزمەتىنە كىرىسپەك. سونداي-اق س.قالقامانوۆ تۇرعىندارعا ساياجايلار مەن باۋ-باقشالارىنا ساعات تاڭعى 6:00-دەن 21:00-گە دەيىن رۇقساتناما (پروپۋسك) جۇيەسىنە سايكەس بارۋعا رۇقسات ەتىلەتىنىن جەتكىزدى. ولار وزدەرىمەن بىرگە ساياجاي نەمەسە باقشا مەنشىگىن راستايتىن قۇجاتتارىن الىپ ءجۇرۋى قاجەت.
بارلىق ىسكە قوسىلعان نىسانداردا كۇندەلىكتى دەزينفەكتسيالاۋ جۇمىستارى جۇرگىزىلەدى. سانيتارلىق نورمالار مەن سانيتارلىق قاۋىپسىزدىك تالاپتارى ساقتالماعان جاعدايدا, زاڭعا سايكەس قاتاڭ شارالار قولدانىلادى نەمەسە سول مەزەتتە قىزمەتى توقتاتىلادى.
